Каори Ичогийн ялагдлын тухай чөлөөт бөхийн томчууд юу хэлэв ?
Нийтэлсэн: 2016-01-30 03:27:17
Японы шигшээ багийн ахлах дасгалжуулагч Казухито Сакай “Энэ азгүйтэл Олимпод тохиолдоогүйд бид баяртай байна. Олимп хүртэл цаг хугацаа байгаа тул Каоригийн бэлтгэлийг зөв чиглүүлж чадна. Тэгээд ч юун дээр алдсан гэдгээ тэр ч бид ч сайн мэдэж авлаа”Олимпийн гурван удаагийн аварга, ОХУ-ын баатар Александр Карелин : Каори Ичогийн ялагдал түүхэн ялагдал биш. Харин Красноярскийн Гран пригийн түвшинг харуулж байгаа үзүүлэлт юм. Иван Ярыгины тэмцээнээс байнга шинэ залуу одод, шинэ үе төрж гарч байдаг. Би алдарт бөхчүүдийн тухайд муу амламааргүй байна. Гэхдээ ялагдах тэр нэгэн өдөр заавал ирдэг юм. Би ч гэсэн үргэлж ялж байгаагүй. 1984 онд Серёга Зайцевд хожигдож байлаа. 1987 онд Игорь Остроуцкийд ялагдсан. Сиднейн олимпод хэрхэн ялагдсаныг бүгд мэднэ. Ер нь хоёрд орлоо гээд гомдоод шаналаад байх хэрэггүй. Энэ бол чиний өмнө ердөө ганцхан хүн байна л гэсэн үг. Түүнийг чи дараагийн удаад ялж чадна хэмээн зүтгэх ёстой.
Оросын эмэгтэйчүүдийн шигшээ багийн ахлах дасгалжуулагч Юрий Шахмурадов : Хамгийн аугаа бөх хүртэл ялагддаг тул байдаг л зүйл. Каори амархан ялчихна гэж бодож гарч ирсэн. Монголын бөх ялахын төлөө тэмцээгүй харин өрсөлдөгчийнхөө үндсэн барилдааныг гаргахгүй л гэдэгт гол анхаарлаа тавьсан. Тэр нь ч үр дүнтэй боллоо.
NUUTS.mn
