Дорнодын МАН-ынхан нэгнээ зодож гэмтээжээ
Дорнод аймгийн МАН-ынхан нэгнээ зодож гэмтээжээ. Тодруулбал, өчигдөр тус аймгийн Хэрлэн сумын 6 дугаар үүрийн дарга З.Оргилыг үүрийн хурлаа хийж байх үед буюу намын ажлын байран дээр нь аймгийн намын хяналтын хорооны дарга З.Түвшиндорж гэгч нүдэн тус газар нь цохиж гэмтээсэн гэх мэдээлэл цахим орчинд тархав.
Энэ талаар Хэрлэн сумын 6дугаар үүрийн дарга З.Оргил өөрийн фэйсбүүк хуудсандаа:
Гэгээн өглөөг таагүй мэдээтэй угтаж байгаад хүлцэл өчье.
Өчигдөр буюу 2016.01.28-ны өдөр намаас өгсөн чиглэлийн дагуу Аймгийн МАН-ын Хорооны гишүүн,Хэрлэн сумын 6дугаар үүрийн дарга миний бие бүх гишүүдийн хурлаа зарлан намын хорооны байранд хийж байтал аймгийн намын Хяналтын хороон дарга З.Түвшиндорж гэгч байн байн хурал дундуур орж ирэн бүр сүүлдээ зөвшөөрөлгүй үүрийн хуралд сууж хурлын ирц хангалттгүй гэх худал шалтаг гарган хурал үймүүлж эхэлсэн. Түүнд би ирцийн талаар тайлбар тавьсан боловч хүлээн авалгүй дураар аашлан манай үүрийн гишүүн Р.Зоригтбаатар руу хэлэх хэлэхгүй хараалын үгээр доромжлоод байхаар хурал арга буюу тарсан.Гэтэл үүдэнд шатан дээр би түүнтэй буруу зүйл хийж байгааг хэлж байтал миний нүд рүү бөгжтэй гараараа хүчтэй цохиж хүнд гэмтэл учрууллаа. Эмнэлэгт очин нүднийхэсэгт оёдол тавиулсан одоогоор өрөөсөн нүд юм харж чадахгүй байгаа. Намынхаа ажлыг намын байран дээрээ хийгээд намын хяналтын хороон даргад цохиулсандаа маш их гомдолтой байна. Ямар хүмүүс энэ намыг авч явж байна вэ? Хяналтын хорооны дарга З.Түвшиндорж гэгч ямар ёсзүйтэй хүн ажилд авснаа намын гишүүд болон иргэдэд МАН-ын хорооны дарга, аймгийн Засаг дарга М.Бадамсүрэн, Хэрлэн сумын МАН-ын хороон дарга, Хэрлэн сумын Засаг дарга П.Мөнхтөр,МАН-ын дэд дарга Ш.Ёл нар тайлбарлахыг шаардаж байна хэмээн бичжээ.
NUUTS.mn
