Роналду 140 сая еврогоор Монте-Карлод зочид буудал худалдан авчээ
Нийтэлсэн: 2016-01-29 02:17:51
Дэлхийн хамгийн баян тамирчдын нэг “Реал” багийн довтлогч Криштиан Роналду зочид буудлын бизнесд орсоноо зарлажээ. Тэрээр өнгөрсөн оны 12-р сараас эхлэн ажллаж эхэлсэн бизнес төлөвлөгөө танилцуулж Португали, Мадрид, Ньо-Йоркод салбартай CR7 сүлжээ зочид буудал байгуулах болсон гэнэ. Мөн эхний ээлжийн хөрөнгө оруулалтанд зориулан 37 сая евро гаргажээ. Зочид буудлынхаа төвийг Монте-Карлод байгуулахаар шийджээ. Гол зочид буудлынхаа барилгаар дэлхийн зугаа цэнгэл, мөрийтэй тоглоомны төв Монте-Карлод байдаг тансаг зочид буудлыг сонгон авсан гэнэ. Энэ буудлыг 140 сая еврогоор алдарт “The Proto Group” компаний эзэд болох итали тэрбумтан Александро Прото, Америкийн ерөнхийлөгчийн сонгуульд нэр дэвшигч Дональд Трамп нараас худалдан авчээ. Хэвлэлийхний олж мэдсээр Роналду өмнө нь Протогоос Нью-Йоркын 56 давхар цамхгийг 16 сая еврогоор худалдан авсан. Дэлхийн баячуудын тухай бичдэг “Форбес” сэтгүүлийн баталснаар алдарт довтлогчийн жилийн орлого нь 65-70 сая еврод хүрдэг. Түүний нийт хөрөнгө нь 210 сая еврогоор үнэлэгддэг бол Месси 200 саяын хөрөнгөтэй аж.
