Амур Тимур хоёрыг гей сурталчилгаанд ашиглаж байна гэжээ
Нийтэлсэн: 2016-01-29 01:54:48
Олон нийтийг шуугиулсан бар ямаа хоёрын нөхөрлөлийг нийгмийн зарим хэсэг бүлэг өөрийн ашиг сонирхолдоо нийцүүлэн энэ явдлаар дамжуулан үзэл суртлаа сурталчилж байна хэмээн Новосибирск хотын хуульч Алексей Крестьянов гомдол гаргасныг хотын прокурор хүлээн авч хэрэг үүсгэхээр болжээ. Оросын хуулиар ижил хүйстний бэлгийн хэлбэр чиг баримжааг ил сурталчилахыг шууд хориглодог тул ЛГТБ байгууулагууд нь эр бар эр ямаа хоёрын тухай шуугиан зориуд дэгдээж дэвэргэж байгаа гэнэ. “Сүүлийн үед эр бар эр ямаа хоёр эв найртай зохицон амьдарч байгаа тухай сурталчилгааг ижил хүистний эрхийг хамгаалах байгууллагууд шүүрэн авч тасралтгүй мэдээлж байна. Тэдний явуулж байгаа Амур Тимур хоёрын тухай янз бүрийн мэдээллийг нь өөрсдийн бэлгийн чиг баримжаагаа далд маягаар сурталчилсан хэлбэр гэж үзэхээс өөр алга” хэмээн хуульч прокурорд гаргасан гомдолдоо дурджээ. Эр хүйстний хоёр амьтан нэг гэрт амьдарч байгаа тухай сургуулиудад хүртэл ярьж мэдээлж байгаа нь хүүхдүүдийн бэлгийн зөв хөгжил хүмүүжилд хортой гэж хуульч анхааруулж арга хэмжээ авахыг шаарджээ. Амур Тимур хоёрын нөхөрлөл өнгөрсөн оны 11-р сараас эхэлсэн. Амур бар хоол болгон өгсөн ямааг идэхээс татгалзан улмаар “хамтран амьдрагчаа” болгожээ. Өдгөө тэр хоёрыг оролцуулсан реалити-шоу хүртэл явуулж байна.
NUUTS.mn
