Путины экс эхнэрийн шинэ нөхрийн зураг цацагджээ
Нийтэлсэн: 2016-01-26 04:00:01
Оросын «Собеседник» сонин ерөнхийлөгч Путины экс эхнэр Людмила Путин овгоо солиод бүр нөхөрд гарсаныг олж тогтоожээ. Өнгөрсөн оны 9-р сард Людмила нь 1995 онд Путинтай хамт амьдарч байсан Василевскийн арал дэх байраа өөрийн эзэмшилд шилжүүлсэн. Гэхдээ Очеретная гэдэг шинэ овогтойгоор ордероо авсан байжээ. Бүр шинэ овогоороо иргэний шинэ үнэмлэх хүртэл авчихсан байжээ. Сэтгүүлчдийн олж тогтоосноор шинэ нөхөр Артур Очеретный нь Людмилаг тэргүүн хатагтай байх үед нь олон жил ивээлд нь багтаж ажиллаж явсан гэнэ. Тэрээр Иргэдийн харилцааг хөгжүүлэх төв гэдэг томоохон компаниудын захиалгаар сурталчилгаа, буян зэрэг арга хэмжээг зохион байгуулдаг компанитай аж. Экс эхнэрийнхээ шинэ харилцааны талаар Путин мэдэж байсан нь 2014 онд “би эхлээд Людмилаг нөхөрт гаргаад дараа нь гэрлэнэ” хэмээн мэдэгдэж байснаас нь харагддаг.
NUUTS.mn
