Секс хийх эмэгтэйнхээ нэр, насыг цагдаад мэдэгдэх үүрэг хүлээсэн эр
Английн Йорк гүнлэгийн шүүх хувь хүний нууцыг хадгалах үүднээс нэрийг нь нийтэд зарлаагүй нэгэн эрэгтэйд маш хачирхалтай шийтгэл оногдуулжээ. Шүүхийн тогтоол ёсоор нууцлаг эр энгэр зөрүүлэх гэж байгаа эмэгтэйнхээ нэр, гэрийн хаяг, нас зэргийг секс хийхээсээ нэг өдрийн өмнө харьяа дүүргийн цагдаагийн хэлтэсд заавал урьдчилан мэдэгдэх үүрэгтэй болжээ. Ийм гайхалтай шийтгэл авсан хүн нь Йорк гүнлэгийн уугуул иргэн аж. Орон нутгийн хэвлэлийнхэн хачирхалтай шийтгэлийн эзний үйлдсэн хэргийг мэдэх гэж оролдсон ч шүүх цагдаа ямар нэгэн мэдээлэл задруулсангүй. Гэхдээ сексийн сэдэлттэй хэрэгт буруутгагдсан нь тодорхой болжээ. Түүнээс гадна тухайн иргэн нь шүүхийн шийдвэрээр гар утас, компюьтер хэрэглэх, ашиглах интернетэд нэвтрэх эрхээ мөн хязгаарлуулсан гэнэ. Шүүхийн тавьсан энэхүү хориг ирэх 3-р сарын 1-нээс эхлэн хоёр жил мөрдөгдөх гэнэ. Энэ хугацаанд хоригийг ямар нэгэн байдлаар зөрчвөл хориглосон шийтгэл нь гурван жил хорих ялаар солигдох аюултай аж.
NUUTS.mn
