Мансуурсан хар тамхины наймаачид 911-руу залган өөрсдийгөө бариулжээ
Нийтэлсэн: 2016-01-22 04:57:25
Америкийн Айдахо мужид хар тамхины наймаачид бараагаа татаж мансуураад өөрсдийгөө бариулахаар 911-руу залгасан итгэмээргүй явдал болжээ. Ухаан сэргэсэн хойноо болсон явдлыг там түм санаж толгойгоо шаасан гэнэ. Лиланд Айяла-Долиенте, Холланд Суорд хоёр найман кг хар тамхийг маш амжилттай тээвэрлэн цагдаагийн шалгалтыг саадгүй давсаар Айдахо мужид иржээ. Хөөрч баярласан тэд замын турш сэтгэлийг нь зовоож байсан байсан барааны чанарыг борлуулахаасаа өмнө шалгахаар шийдэн татаж үзсэн биш өөрсдийгөө хөөджээ. Тэдний муу байж магадгүй гэсэн бараа нь гайхалтай чанартай байсан тул хоёр наймаачин шууд мансуурч үг хэл үйлдлээ хянах чадваргүй болжээ. Гэнэтхэн л тэднийг “сүүл” дагаад байгаа мэт санагдаж яаж ч давхиж зам буруулаад салж чадсангүй. Эцэст нь замын хажуугийн цайны газрын дэргэд зогсоод ирж барихыг нь хүлээжээ. Гэтэл зүсээ хувилгасан “цагдаа” нар машиныг нь тойрж эргэлдээд байсанд даарч бээрсэн хоёр тэсгэлгүй 911-лүү залгажээ. Тэр яриаг нь хүргэе :
-Бид хоёр танай мужид найман кг хар тамхитай орж ирсэн юм. Гэтэл танай цагдаа нар биднийг илрүүлсэн мөртлөө ирж баривчлахгүй машин тойроод яваад байна. Тэдэнд хэлээд биднийг бариулж энэ бүхнийг дуусгаад өгөөч
-Таны яриаг ойлгосонгүй, та нарыг баривчилсан юм уу ?
-Үгүй, цагдаа нар дагаад байгаа мөртлөө барихгүй байна гэсэн юм аа, бид хоёр машиндаа даараад ядраад тун хүнд байдалд байна, энд байгаа цагдаа нар луу утасдаад биднийг хурдан барь гээд хэлээдхээч
-Ойлголоо, та байрлалаа хэлнэ үү, за мэдлээ, та хоёр зэвсэгтэй юу ?
-Үгүй, хар тамхинаас өөр юу ч байхгүй,
NUUTS.mn
