Нууц мэдээллийн уурхай

Энэ жилийн “Оскар”-аар өнгөт арьстнууд болон Леонарди ДиКаприог нүд үзүүрлэгдэх вий хэмээн дэлхий нийтээрээ өрөвдөж байна. Гэтэл тэдний цаана аугаа жүжигчид хэдий ч нэг ч удаа “Оскар” авч байгаагүй алдартнууд байсаар байна.
-Сильвестр Сталлоне : Түүний тоглосон боксчин эрийн тухай Рокки Бальбао, дайчин эр Жон Рэмбо нь Оскард нэр дэвших хэмжээний бүтээл юм. Сталлонегийн анхны кино болох “Рокки”  нь өмнө нь шилдэг найруулга, шилдэг эрэгтэй дүр гэсэн хоёр төрлөөр нэр дэвшиж байсан ч  Холливудын тэргүүн дээд шагнал тойрон өнгөрсөн. Харин энэ удаад 70 настай эр сүүлчийн боломжоо ашиглан эрэгтэй туслах дүрийн төрөлд “CREED” киноны дүрээрээ дэвшиж байна.
 

-Арнольд Шварцнеггер : Сталлонег ядахдаа Оскард нэр дэшүүлж байсан бол “Терминатор”-ыг нэг ч удаа нэр дэвшүүлээгүй нь гайхалтай. Энэ нь түүнийг кино урлагт булчин шөрмөсөөс өөр зүйл авчираагүй гэж үздэгтэй холбоотой. Арни ч өөрөө үүнийг ухаарч жүжигчний ур чадвар, мэдрэмж шаардсан мелодрам, инээдмийн кинонд нэлээд тоглосон ч Америкийн их зантнууд австри цагаачийг дорд үзсээр карьерийг нь дуусгасан.
 

-Брюс Уиллис : “Хатуу самар” бас гадуурхагдсан нэгэн юм. Тэрээр маш олон кинонд тоглож маш их алдаршсан ч  “Оскар”-д тоогдоогүй. Өдгөө түүний дээд шагнал авах боломж нь Сталлоногоос бага ч харин Шварцнеггерээс их гэсэн тохуурхсан яриа гараад байна.
 

-Жим Керри : Холливудын Кино академийн томчууд тулаант киноны булчингуудаас гадна инээдмийн хошин шогчидод дургүй гэдэг нь Жимээс харагддаг. Гэтэл тэрээр инээлгэхээс өөр зүйл чаддаг гэдгээ “Трумэний шоу” киногоороо харуулж бүр “Алтан бөмбөрцөг” авсан. Гэсэн одоо болтол Жимийг нэг удаа Оскард нэр дэвшүүлээгүй.
 

-Жонни Депп : Энэ алдарт жүжигчинг гурван удаа Оскард нэр дэвшүүлсэн ч гурван удаа хассан. Бүр маш их алдаршсан “Карибын тэнгисийн длайн дээрэмчид”-ээрээ нэр дэвшээд  ч бараагүй юм.
 

-Ричард Гир : “Хөөрхөн хүүхэн” , “Соммерсби”, “Хачико” зэрэг олон кинонд тоглож бүтээсэн дүрээрээ мөнхөрсөн энэ жүжигчинг бас хэн хэзээ ч Оскард нэр дэвшүүлж байсангүй.
 

-Билл Мюррей : Холливудад жүжигчин, найруулагч, продюссер гээд бүх төрлөөр нь насаараа “хүчин зэтгэсэн”. Уран бүтээлийнхээ турш ердөө хоёрхон удаа л Оскард нэр дэвшсэнээс “Орчуулгын алдаа” киноны дүрээрээ бараг авах шахаад алдсан.
 

-Жон Траволто : Холливудын энэ алдарт жүжигчин бүх төрлийн кинонд тоглосон. 1978,1995 онд тус тус Оскард нэр дэвшисэн ч шүүгч нар тэргүүн дээд шагналыг өөр мундаг жүжигчинд өгсөн.
 

-Харрисон Форд : “Индиан Жонс” 74 нас хүртлээ Холливудад хүчин зүтгээд бас л Оскар авч чадаагүй. Энэ олон жилийн туршид ердөө ганцхан удаа 1986 онд “Гэрч” киноны дүрээрээ Оскард нэр дэвшсэн удаатай.
 

-Роберт Дауни : “Төмөр хүн” уран бүтээлийнхээ турш 1993 онд нэг л удаа “Чаплин” киногоороо эрэгтэй шилдэг дүрийн төрөлд нэр дэвшсэн ч аугаа Ал Пачино “Эмэгтэй хүний үнэр” киноны дүрээрээ Оскарыг нь булаасан. Энэ явдлаас болж Дауни Холливудын кино академийнхантай түнжин харагч бараг 10 гаруй жил уран бүтээлээсээ  хөндийрсэн. Өдгөө энэ жил 50 хүрч байгаа түүнийг ахин Оскард нэр дэшүүлэхгүй биз дээ.

 

NUUTS.mn