Орос үзэсгэлэнт бүсгүйчүүдээс болж “Ми-5” ижил хүйстнүүдийг ажилд авчээ
Нийтэлсэн: 2016-01-20 06:28:59
Дэлхийн тагнуулын байгууллагууд дундаас ижил хүйстнүүдэд хамгийн зөөлөн ханддаг нь Английн алдарт “Ми-5” гэнэ. Ижил хүстнүүдийн эрхийг хамгаалдаг “Stonewall” сангийн судалгаагаар Их Британий нууц албанд 110 ижил хүйстэн ажилладаг болохыг зарлажээ. “Ми-5”-ын удирдлага тус сангийн судалгаанд ямар нэгэн хориг тавиагүй агаад харин ч шаардлагатай мэдээллийг гаргаж өгч туслалцаа үзүүлжээ. Нууц албанд ажилладаг 110 ижил хүйстнүүдийг анх ажилд авахдаа бэлгийн ямар чиг баримжаатай болохыг судлаж мэдсэн гэдгээ “Ми-5”-ынхан хүлээн зөвшөөрчээ. Гэхдээ ижил хүйстэн гэдгээр нь ямар нэгэн байдлаар ялгаварлаж хавчаагүй, харин ч ихэнхи нь хэвийн чиг баримжаатай хүмүүстэй өрсөлдөж ялаад нууц албанд ажилд орсон гэнэ. Түүнээс гадна Оросын тагнуулынхан “Ми-5”-ын ажилтнуудыг элсүүлж урвуулах гэж үзэсгэлэнт бүсгүйчүүдээр урхи өгөөш их тавьдаг болсон тул ижил хүйстэн албан хаагчтай байх нь зарим тохиолдолд ашигтай байдаг тухай албаны удирдлага ам алджээ.
NUUTS.mn
