Шведийн эрх баригчид голын мөсөн дээрхи эрхтний зургийг арилгаж чадахгүй баларчээ
Нийтэлсэн: 2016-01-20 02:04:27
Тус улсын Гётеборг хотын захиргаа хотын дундуур нь урсдаг голыг мөсөн дээр зурсан аварга том эрхтний зургийг шинэ оноос эхлээд арилгах гэж чадахгүй бүтэлгүйдсээр байна. Он солигдох мөчид дүрсгүй залуус хотын Эзэн хааны паркын дундуур урсдаг голын мөсөн дээр маш том эрхтэн зурчихжээ. Шинэ жилийн ажлын эхний өдөр хотын дарга уг зургийг хотын өнгө төрхийг гутааж байна гэж үзээд арилгах тушаал буулгажээ. Гэсэн ч хот тохижилтынхон болон бусад хөлсөлж авсан ажилчид арилгах гэж хоёр долоо хоног оролдоод бүтэглгүйдэн сүүлдээ иргэдийн доог тохуу болжээ. Аварга том эрхтнийг голын яг голд шахуу зурсан тул “арилгагчид”-ийг хүрэх гэтэл мөс нь даахгүй цөмрөх гээд байжээ. Хэдий хотын дарга ажлын хөлсийг нь нэмсэн ч нимгэн мөсөөр амь дүйн зүтгэх ажилчин одоогоор гараагүй л байна.
NUUTS.mn
