Оросын олигархиуд Путинг хоёр цаг “номхон” командтай хүлээжээ
Оросын «Коммерсанта» сайтад Путинг бүтэн хоёр цаг хүлээсэн олигархиуд ямар ч хэл үг гаргалгүй маш тэвчээртэй байсан тухай гайхан бичжээ. Путин бизнесийн төлөөлөлтэй оройн 18 цагт уулзахаар тов зарласан ч гадаадын төлөөлөгчтэй саатаад уджээ. Оросын бизнесмэнүүдийг төлөөлж энэ удаад Михайл Прохоров, Олег Дерипаский, Алишер Усманов зэрэг тэрбум тэрбум долларын хөрөнгөтэй олигархиуд ирсэн байжээ. Гэсэн ч уулзалтын цаг өнгөрөөд байхад тэдний хэн ч явсангүй, хүлээсээр байжээ. Мөн Ерөнхийлөгч яагаад “саатасан” тухай асуусангүйн дээр нэг нь ч уулзалтын суудалд сууж зүрхлэлгүй бүгд зогсоогоороо бүхэл бүтэн хоёр цаг хүлээсэн гэнэ. Олигархиудын эгнээнд саяхнаас орсон Новолипецкийн төмөрлөгийн үйлдвэрийн ТУЗ-ийн дарга Владимир Лисин тэсгэлгүй суухад Михайл Прохоров –Володя бид чиний өмнөөс айж байна шүү гэхэд юм мэдэхгүй “шинэков” яаран босжээ. Удтал хүлээлгэсэн Путин орж ирээд шалтгаанаа ч тайлбарлалгүй ширээнд суухыг заахад хөл нь чилсэн олигархиуд сая нэг юм сууцгаажээ.
NUUTS.mn
