С.Одонтуяа Б.Ургамалцэцэгийг нэгхэн саналын илүүгээр яллаа
Өчигдөр болж өнгөрсөн Ардчилсан эмэгтэйчүүдийн холбооны тэргүүний сонгуульд АН-ын фракциуд хүч үзэж өрсөлдлөө. Шулуухан хэлбэл, эдгээр эмэгтэйчүүдийн ард тэднээр баг халхавч хийсэн хэн нэг эрэгтэй лидер нуугдаж байсан гэхэд болно. Тухайлбал, гол өрсөлдөгчид гэгдэж байгаа УИХ-ын гишүүн Л.Эрдэнэчимэгийн ард намын одоогийн дарга, Б.Ургамалцэцэгийн ард намын хуучин дарга, УИХ-ын даргын зөвлөх Г.Байгалмаагийн ард МоАХ фракц байгаа гь бодитой юм. Ардчилсан эмэгтэйчүүдийн холбооны дөрөвдүгээр чуулган Төрийн ордонд болж, холбооны тэргүүнийг сонгох санал хураалт 18 цагийн орчимд болж УИХ-ын гишүүн С.Одонтуяа 13 төлөөлөгчийн саналаар Боловсролын дэд сайд асан Б.Ургамалцэцэгээс илүү санал авсан ч сонгуулийн дүн маргаан дагуулсан тул дахин сонгууль явуулахаар болсон юм. Ийнхүү дахин санал хураасан ч өмнөх дүнг баталж С.Одонтуяа 314, Б.Ургамалцэцэг 313 хүний санал авснаар УИХ-ын гишүүн хатагтай ялжээ.
НУУЦ.мн
