Нууц мэдээллийн уурхай

Хүн төрөлхтөн удаан гэсэн ч солиролд улам бүр гүнзгий орсоор байна. “Айфон” хэмээх дөрвөлжин төмрийн төлөө юу ч хийхэд бэлэн хүмүүс хорвоогоор дүүрэн аж.
-Хятадын Шанхай хотын энэ тарган хос өөрсөддөө айфон авах гэж илүүдэл нэг охиноо зарсан гэнэ. Бүр үнэтэй утас авах  гэж шийдээд нэг охин илүү төрүүлсэн гэдгээ ч хүлээжээ. Охиноо нэлээд үнэтэй зарсан тул авсан мөнгөөрөө тэр өдөр нь л айфон худалдан авсан болохыг цагдаа нар тогтоожээ.
 

-Английн Дувр хотын 16 настай энэ бүсгүй айфоноо замын ус зайлуулах хоолойд унагаад авах гэж ороод гацсан нь энэ. Эцэст нь траншейд хавчигдаж гацна гэдгийг мэдсэн ч хамгийн түрүүнд утсаа л олж авья гэж шийдсэн хэмээн аврагчидад тайлбарлажээ.
 

-Оросын Якутад нэгэн залуу хөрш гудамжны талийгаачийг айфонтай нь хамт оршуулсан болохыг олны ярианаас олж сонсжээ. Талийгаачийн хамаатан садантай зориуд тэр сэдвээр үг өдөөд үнэн болохыг нь хэлүүлж авсан гэнэ. Тэр өдрийнхөө орой нь л булшийг нь ухаад үнэтэй утсыг авсан аж. Гэсэн ч талийгачийн талынхан удалгүй түүнийг бурхан болоочийн утсаар гангарч байгааг мэдээд цагдаад хэлж бариулсан гэнэ.
 

-Оросын Киселовск хотод буяны компаний ажилтан бурхан болоочийн иргэний үнэмлэхээр зээлийн гэрээ байгуулж айфон аваад бас л баригдсан.
 

-Эрхүүгийн Красный Ши суурингийн фермер эр хамаг ажлаа нугалдаг ганц трактороо барьцаалаад айфон зээлээр авчээ.  Банк тракторыг нь гараашид нь түгжээд лацадсан тул гурван сарын дараа ажил нь унаж аж ахуй нь дампуураад төлбөрөө төлж чадахгүйд тулсан тул трактороо ч хураалгажээ.

NUUTS.mn