1.6 тэрбум доллар хожсон хэмээн ээжийгээ “дөнгөх” гээд цус харвуулжээ
Нийтэлсэн: 2016-01-18 04:35:04
Америкд долоон хүүхдийн эх, 56 настай сувилагч эмэгтэй хүүхдүүдийнхээ хэтэрсэн “дөнгөлт”-өөс болж цус харвасан гэнэ. Өнгөрсөн лхагва гаригт “Park Avenue Health & Wellness Center” гэдэг эмнэлэг рүү Америкийн үндэсний хэмжээний лотторей “Powerball”-ын удирдлагаас ярьж байна хэмээн залгаж хөөрхий сувилагчийг манай сугалааны түүхэнд гарч байгаагүй хамгийн том хожил буюу 1.6 тэрбумыг сугалагаар хожсон хэмээн мэдэгджээ. Гэтэл ярьсан хүн нь хүү нь байсан агаад эмнэлгийнхэн хүртэл настай хүнд хатуудсан дөнгөлтөнд оролцсон нь дараа нь тогтоогджээ. Ухаангүй баярласан сувилагчид эмнэлгийн дарга, эмч сувилагч нь бүгд баяр хүргэж бөөн хөөр баяр болжээ. Баярласан сувилагчид тэр дор нь чөлөө өгсөн тул тэрээр шууд гэртээ иртэл бүх хүүхдүүд нь энэ бол дөнгөлт гэсээр угтжээ. Гэхдээ дөнгөлт нь арай л хэтэрсэн тул хөөрхий эмэгтэй цочирдсондоо болоод цус харван эмнэлэгдээ түргэнээр хүргэгдэж ирсэн гэнэ. Өдгөө энэ хэрэгт сувилагчийн хүүхдүүд болон дөнгөлтийг зхион байгуулахад оролцсон эмнэлгийн дарга нарыг буруутгаж байна. Харин эмнэлгийн удирдлага ажилтанууддаа итгэл найдвар, урам зориг өгөх гэж л ийм ажиллагаанд оролцсон хэмээн өөрсдийгөө зөвтгөжээ.
NUUTS.mn
