Японы компанид орон тооны “нулимс арчигч” ажиллаж байна
Токио хотын эмэгтэй ажилчид олонтой “Rocket Inc” компанид ажилтнууд нь ажлын цагаар уйлах, сэтгэл нь тавгүйдэх зэрэг явдал олонтоо гардаг гэнэ. Энэ бэрх хэргийг шийдэхийн тулд компаний захиргаа “нулимс арчигч” гэдэг орон тооны ажилтан авч ажиллуулж байна. Компаний захирал Мицуе Кюджимегийн хэлснээр эмэгтэй ажилтнууд нь уйлах гэж голдуу жорлон гүйдэг аж. “Тэд маань маш ажилч хичээнгүй ажилтнууд тул үүнээс илүүг хүртэх эрхтэй. Нийгмийн өрсөлдөөн бухимдал, ажлын ачаалал, гэр бүлийн асуудлаас болж эмэгтэй хүн уйлах нь олонтоо. Иймд компаний зүгээс тэднийг ойлгож бас хүндэтгэж байгаагаа харуулахын тулд ийм арга хэмжээ авсан” хэмээн тайлбарлажээ. Компаниас тавьсан шаардлагын дагуу нулимс арчигчид нь 25-30 насны, царайлаг, бие бялдар сйтай, харьцааны соёлтой эрчүүд байх ёстой аж. Мөн нулимс арчихаас гадна уйлагчдыын зовлон асуудлыг хуваалцаж, сэтгэлзүйн дэмжлэг үзүүлдэг. Өдгөө энэ компанид уйлагчидад зориулан тусгай өрөө гаргаж өгчээ. Сэтгэл нь тавгүйрхсэн эмэгтэй ажилтнууд тэр өрөөнд орж аятайхан бас эелдэг ааштай .эрэгтэйгээр нулимсаа арчуулан намуун хөгжим сонсдог гэнэ.
NUUTS.mn
