Нууц мэдээллийн уурхай

-Хятадын их залуурч усанд ордог боловч амаа огт угаадаггүй байжээ. Түүнийгээ бар хэзээ ч шүдээ угааж байгаагүй гэх үнэмшилтэй гэмээр тайлбараар цайруулдаг. Дээр нь сармис их иддэг үндэсний онцлогийг нь нэмэх юм бол их залуурчын амнаас маш таагүй үнэр ханахлдаг тул ам, шүдийг нь байнга угаалгах намын ТХ-ны тусгай шийдвэр гарч байжээ.
 

-Людовиг ван Бетховэн: Алдарт хөгжмийн зохиолч усанд орох тун дургүйгээ надад ямар ч өвчин байхгүй гэж тайлбарладаг байв. Алдар нэрийн оргилд гарсан хойно нь зарц нар нь эзнийхээ нэр хүндийн төлөө санаа зовохдоо унтсан хойно нь хувцсыг нь сэм авч угаадаг байжээ.
 

-Норфолкийн герцог Чарльз Ховард : Английн дээдсийн хүрээнийхэн дунд “Бохир герцог” гэгдэх хүртлээ “алдаршсан” заваан хүн байсан. Усанд огт ордоггүйн дээр илүүдэл жинтэй нэг суурин дээр 10 хүртэл стейк гулгуулж орхидог зэрэг нь бүр аймаар байжээ.
 

-Францын хаан 4-р Хенрих : Сайн хаан хэмээн алдаршсан тэрээр дагуул зарц нараа “ би усанд ормооргүй байна, битгий намайг залхаагаад бай” хэмээн байнга загнаж хөөдөг байжээ. Төрөхдөө нэг л угаалгасанаас хойш усанд ороогүй явсан тул үнэр нь “гайхалтай” байсан. Хааны хатанаар тодрон ирсэн Италийн Медичи овгийн гүнж Мария нөхөртэйгөө анхны удаа уулзахдаа үнэрт нь шууд ухаан алдан унасан гэдэг.
 

-Пруссын хаан 2-р Фридрих : “Аугаа” гэдэг цолтой энэ хаан улс орныхоо газар нутгийг хоёр дахин томруулж чадсан гавьяатай.  Аян дайнаас бусад цагт өөрийн дуртай Сан-Суси гэдэг ордондоо хамаг цагаа өнгөрүүлдэг ч ордын шалан дээр нь хөглөрөх нохойн баасны зузаан нь 20 см хүрч байсан гэдэг. Хамгийн гайхалтай нь ордонд ямар нэгэн цэвэрлэгээ хийхийг хаан өөрийн биеэр хоригложээ. Өөрөө ч усанд тоотой орсон. Нас барсан хойно нь хувцсыг нь тайлахад дотуур хувцас үжирч ноорч хирэндээ тас харласан байсан гэдэг.
 

-Карл Маркс : Коммунизмын ачаар монголчууд бохирын болон арьс өнгөний өвчнөөсөө салсан гэдэг. “Хир буртаг өчүүхэн ч халдах ёсгүй” гэдэг үзэл суртлыг үндэслэгч Карл Маркс өөрөө бохироос үүдэлтэй арьсны элдэв өвчинд насаараа нэрвэгдсэн нэгэн байсан.

 

NUUTS.mn