Нууц мэдээллийн уурхай

Өнөөдөр Монголын ард түмэн гашуудаж харин “Сентарро Гоулд”-ынхан баярлах өдөр болж байна. Учир нь УИХ-ын Эдийн засгийн байнгын хорооны хуралдаанаар өнөөдөр Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийг хэлэлцэн анхны хэлэлцүүлгээр нь батлахаар санал нэгджээ. Ийнхүү өвөг дээдсийн онго шүтээн тахилгатай Ноён уул тэр чигээрээ Канадын “Сентерра гоулд Монголиа”-ийн мэдэлд орлоо. Өнөөдөр монголчууд харамсаж харин Жон Казокофф, Сандаг тэргүүтнүүд баярын хундага тулгах биз. ХХК юм. Анхны хэлэлцүүлгээр батлна хэмээн яарсан бас л учиртай. Гацууртын ордыг гадныханд өгөхийг удаах тусам УИХ-ын сонгууль дөхнө. Харин эртхэн өгчихвөл Ноён уулыг зарсан гэх шуугиан нэг хэсэгтээ л мартагдана замхрана гэж тооцсон биз. УИХ-ын гишүүд ийнхүү ард түмний санах ойг хэдхэн сараар хэмжиж тохуурхаж байна. Болж буй үйл явдал нь өнөөгийн Их хурлаас улс орны амьдралд ашигтай тустай шийдвэр гарна гэж хүээлхийн хэрэггүй болсоныг харууллаа.

НУУЦ.мн