Балотеллийг багийн нөхдийнхөө пүүз рүү шээдэг байсныг нь илчилжээ
Нийтэлсэн: 2016-01-13 05:11:45
Европод тоглодог бразиль легионер Керлон Италийн хөлбөмбөгийн од, олон муу үйлдлээрээ алдартай Марио Балотеллийн бас нэгэн муухай занг нь илчилжээ. Тэд өмнө нь Миланы “Интер” багт хамтдаа хүчин зүтгэдэг байсан. Бразиль тоглогч Италийн “Local” сонинд өгсөн ярилцлагандаа “Балотелли янз бүрийн санаанд оромгүй зан авир, үйлдэл гаргадаг. Зарим нь дэндүү хорлонтой муухай байсан. Нэг удаа бэлтгэлд бусдаасаа түрүүлж ирчихээд багийн нөхдийнхөө пүүз рүү шээчихсэн байж билээ” гэжээ. Марио Балотелли “Интер” багт 2007-2010 онд тоглож байсан. Энэ үед баг нь Италийн аварга, Италийн цомын аварга болж байжээ.
НУУЦ.мн
