Нацист хосын эхнэрийг хар арьстны эр бэлгийн эсээр жирэмслүүлжээ
Нийтэлсэн: 2016-01-12 04:09:23
Америкийн Огайо мужийн нацист хөдөлгөөний идэвхтэн Крис болон Молли Крем нь Чикагогийн хиймлээр үр тогтоох төвийн байрыг галдахаас наагуур аашилжээ. Цагаан арьстнууд дээд агуаа төрөлтөн гэдэгт бат итгэдэг, үнэнч нацистчин хосын эхнэрийг тус төвийнхөн андууран хар арьст залуугийн “үрээр” жирэмслүүлсэнийг зургаан сарын дараа мэджээ. Нацист хос өөрсдөө хүүхэдтэй болж чадахгүйгээ мэдээд Чикагогийн хиймэл үр тогтоох төвд хандан сайтар үзэж судалсны эцэст 180 см өндөртэй, цэнхэр нүдтэй шар үстэй, Норвегийн жинхэнэ “ари” залуугийн үрийн шингэнийг сонгожээ. Норвеги залуугийн үрийн шингэний савны дугаар нь 380 байжээ. Гэтэл урагшгүй төвийнхөн андуураад 330 гэсэн дугаартай үрийн шингэн “хийчихсэн” нь Африкийн уугуул арьстан нигер эрийнх байж таарчээ. Аймшигт алдаа гарсныг үр хөндүүлэх ямар ч боломжгүй болсон жирэмслэлтийн зургадахь сард олж мэдсэн аж. “Бид хоёр одоо хөдөлгөөний гишүүдийнхээ нүүрийг яаж харах билээ, цагаан арьстны цусыг цэвэр ариунаар нь хадгалахын төлөө насан туршдаа тэмцчихээд өөрсдөө хар хүүхэд төрүүлэх болж байна. Би өөрийнхөө хэвлийд бойжиж байгаа энэ хүнийг одооноос үзэн ядаж эхэлсэн” хэмээн нацист ээж Молли хэвлэлийнхэнд ханджээ. Болсон явдлыг мэдсэн нацист хөдөлгөөнийхэн нь өдгөө Кремийн гэр бүлтэй харилцаагаа тасалсан гэнэ.
NUUTS.mn
