Хүнд өвчтнүүдийн сүүлчийн хүслийг биелүүлэгч “Сүүлчийн хүслийг биеүүлэх түргэн” -ийнхэн
Нийтэлсэн: 2016-01-09 11:23:04
Холландад тэнгэр халихаа хүлээж байгаа хүмүүсийн сүүлчийн хүслийг биелүүлж өгдөг сайн дурын “Stichting Ambulance Wens Nederland” буюу “Сүүлчийн хүслийг биеүүлэх түргэн” гэдэг байгууллага байдаг. Энэ байгууллагыг 2006 онд түргэний жолооч Кису Велдбору санаачилан байгуулжээ. Есөн жилийн өмнө тэрээр эцсийн мөчөө хүлээж буй хүнд өвчтөй хөгшин далайчныг өөр эмнэлэгт шилжүүлэхээр авч явжээ. Манайхаар бол хөнгөвчлөх эмчилгээ хийдэг эмнэлэгд ирэхэд ор нь хараахан гараагүй байж. Энэ хооронд өвгөн далайчин сүүлчийн удаа тэнгис харахыг хүсэж байгаагаа хэлэхэд Кису эмч нараасаа зөвшөөрөл авалгүйгээр сэм давхин тэнгисийн эрэгт очиж насаараа хөвсөн цэнхэр усыг нь харуулжээ. “Өвгөн эрэг дээрхи тэр нэгхэн цагийг ямар их аз жаргалтай өнгөрөөсөн нь намайг ихэд догдлуулж ийм ажил хийх санаа төрсөн” хэмээн түргэний жолооч ярьжээ.
-Роттердамын амьтны хүрээлэнд насаараа ажилласан Мариогийн хүсэл хайртай амьтадтай ахин харах байжээ. “Түүнийг хүрээлэнд авчирахад бараг бүх амьтад нь таньж байх шиг байсан. Нэг анааш бүр үнэрлэсэн” хэмээн Кису ярьжээ
-Херхюговард хотын Лиф гэдэг залуу өвөөгийнхөө эртний нэгэн хүслийг биелүүлэхэд нь туслахыг хүсчээ. Юдрөө хүлээж байгаа хүнд өвчтэй өвөө нь «Ламборгини Диабло» гэдэг тансаг машинд сууж үзэхсэн гэж ярьдаг байсан гэнэ. “Сүүлчийн хүслийг биеүүлэх түргэн”-ийнхэн энэхүү ганган хүлгийн нэгэн эзнийг ятгаж чадсанаар өвгөн мөрөөдөл нь байсан хүлгээрээ бүтэн цаг гаруй давхисан гэнэ.
-“Өвөөгийн бие улам муудаж байгаа ч насаараа дэмжсэн Роттердамын Спарта багийн тоглолтоо алдалгүй үзсээр байна” гээд Роттердамын Жойс “Сүүлчийн хүслийг биеүүлэх түргэн”-нд ханджээ. Сайн дурынхан өвөөг нь хайртай хөлбөмбөгийн багтай уулзуулах ажлыг зохион байгуулжээ. Тэр тоглолтонд хэдийгээр “Спарта” хожигдсон ч өвгөн сэтгэлээр унасангүй харин ч нийт багийнхан үнэнчээр хөгжөөн дэмжсэн олон жилийх нь төлөө хүндэтгэл үзүүлсэнд баярлажээ.
-Маастрих хотоос ирсэн хүсэлтийн дагуу хүнд өвчтэй өвгөнийг шүтэн биширдэг Холландын алдарт хийлч, удирдаач Андре Рьёгийн тоглолтыг үзүүлжээ. Тоглолтын дараа хотын найрал хөгжимчид өвгөнд хүндэтгэл үзүүлэн жагсаалаар алхжээ.
-Хүнд өвчтэй энэ бүсгүй амьтдын төлөө ямар нэгэн сайн сайхан зүйл хийх сүүлчийн хүсэлтийг нь биелүүлж өгөхийг “Сүүлчийн хүслийг биеүүлэх түргэн”-ээс хүсжээ. Сайн дурынхан гэмтлэл бэртлээ эмчлүүлсэн далайн нохдыг тэнгисд нь буцаан тавих ажилд бүсгүйг оролцуулжээ.
-“Сүүлчийн хүслийг биеүүлэх түргэн”-ийхний энэ ажил олон хүнийг уяраасан. Уран зургийн хорхойтон хүнд өвчтэй эмэгтэйн хүсэлтээр түүнд Рейксмюзеумд байдаг Рембрандтын зургийг үзүүлжээ.
-Хүнд өвчтөнүүдийн сүүлчийн хүсийг биелүүлэхийн тулд ар гэр, эмнэлэгээс зөвшөөрөл авахаас эхлээд бэлтгэл ажил зохион байгуулалт цаг хугацаа шаарддаг. Гэтэл зарим нэг нь тун энгийн зүйл хүсдэг гэнэ. Өдрөө хүлээж байгаа энэ эмэгтэй ердөө тэргэнцэр дүүрэн зайрмаг л хүссэн аж.
NUUTS.mn
