Л.Пүрэвсүрэн сайд УБТЗ-ын даргаас бус ТНБД-аасаа болж шийтгүүлжээ
Оны өмнөхөн Засгийн газрын хуралдааны шийдвэрээр ГХ-ийн сайд Л.Пүрэвсүрэнг “танхимын зарчмаар ажиллах журмыг зөрчсөн” хэмээн цалингийн хэмжээг гурван сарын хугацаагаар 20 хувь хасах сахилгын шийтгэл хүлээлгэсэн. Түүнтай хамт яамных нь ТНБД Д.Ганхуяг, БХБЯ-ны ТНБД С.Манлайсүрэн нар банга хүртэж мөн цалингаа хасуулсан. Танхимын зарчмаар ажиллах журмыг зөрчсөн гэдэг нь УТБЗ-ын дарга Л.Пүрэвбаатарын төмөр замын хувьцааг хятадуудад зарах гээд явж байгаа гэх асуудлыг гаргаж тавьсантай холбоотой гэж шуугисан. Гэсэн ч сайдтан ТНБД-ныхаа гаргасан алдаанаас болж шийтгүүлсэн гэнэ. ТНБД Д.Ганхуяг нь Япон Монголын Эдийн засгийн түншлэлийн хэлэлцээрийнн бичгийг шууд УИХ-руу явуулснаас хэрэг дэгдсэн аж. Хэрвээ УБТЗ-ын даргаас болсон бол ГХЯ-ны ТНБД ямар ч хамаагүй, тэрээр арга хэмжээ авахуулахгүй гэдэг нь ойлгомжтой хэрэг юм.
NUUTS.mn
