Төв аймгийн Зуумодод АН-ын санаачилгаар газар “тарааж” байна
“Юун бидон сав, цаана чинь газар тарааж байна” гэх яриа Төв аймгаас сонсогдлоо. Нам бус төр газар олгодог гэдгийг “Ард түмнээ хайрлая” намын дарга Л.Гүндалалгийн шоуны үеэр АН-аас сонгогдсон УИХ-ын гишүүн Л.Батчимэг экс журмын нөхөрдөө их тодорхой тайлбарласан. АН-ын том дарга хатагтай нам нь төрийн ажилд оролцохгүй байх, газар олгох гэх мэт эмзэг асуудлаар шоу хийхгүй байхыг учирласныг Л.Гүндалай ойлгосон байхад Төв аймгийн АН-ын дарга Д.Доржпүрэв ойлгоогүй байна. Бүр түүний идэвхитэй санал санаачилгаар Сэргэлэн сумын удирдлага Зуунмод сумын иргэдийн газар өмчлөлийн асуудлыг “шийдвэрлэжээ”. Бүр “амжилттай” шийдвэрлээд АН-ын дарга Д.Доржпүрэв, Сэргэлэн сумын засаг дарга, ИТХ-ын дарга нарын гарын үсэгтэй газар авах батламж бичгийг тараагаад эхэлжээ. Ардчилалынхан 26 жилийн өмнө нам төрийг салгах гэж хувьсгал хийсэн гэж ярьдаг. Өдгөө өөрсдөө эсрэгээрээ нам төр хоёрыг холиод эхэлжээ. Болж байгаа үйл явдлаас гарахад Төв аймагт төр засгийн үйл ажиллагааг “удирдан чиглүүлэгч хүч” нь аймгийн АН гэдэг нь нэгэнт тодорхой болжээ.
NUUTS.mn
