Оросын Дум хүүхэд эмэгтэйчүүдийг буудах эрхийг хүчнийхэнд өглөө
Сталины үеийн НКВД, КГБ-ээс улбаатай цагдаа тагнуулын байгууллагийн хязгааргүй эрх мэдлийг Путин буцаан өгч эхэлжээ. Оны өмнөхөн Оросын Дум түргэвчилсэн журмаар Холбооны мөрдөх товчоо буюу ФСБ-ын эрхийг нэмэгдүүлэх хуулийг баталжээ. Шинэ хуулиар ФСБ-ын ажилтнууд нь алан хядлага, үймээн самууны үед бусдын орон гэрд дайран орох, халдлагыг таслан зогсоохын тулд хүүхэд эмэгтэйчүүдийг ч буудах эрхтэй болжээ. Өнгөрсөн оны 12-р сарын 22-ны байдлаар дээрхи хуулийн төсөл Думын хэлэлцэх асуудлын жагсаалтад байгаагүй гэнэ. Гэтэл Аюулгүй байдлын хорооны дэд дарга, Путины тэргүүлдэг “Нэгдмэл Орос” фаркцийн гишүүн Эрнэст Валеев ФСБ-ын эрх мэдлийг өргөжүүлэх хуулийн төслийг хэлэлцэхийг гэнэт санал болгожээ. Улмаар Думын гишүүд хуулийг гуравдахь хэлэлцүүлгээрээ шууд баталсан байна. Ийнхүү шинэ хуулиар ФСБ-ын ажилтнууд нь бусдын гэр оронд нэвтрэх, хүүхэд эмэгтэйчүүдийг буудах мөн алан хядагчидтай тэмцэх, халдлагыг таслан зогсоохын тулд шаардлагатай гэж үзсэн бүх төрлийн зэвсэг аргыг ашиглах эрхтэй болжээ.
NUUTS.mn
