Сэргэлэн хос казиногийн житоныг оймсондоо хийн гаргаж байгаад баригджээ
Нийтэлсэн: 2016-01-04 06:26:32
Английн нэрээ нууцалсан нэгэн казино санаанд оромгүй байдлаар 12 мянган фунтын житоноо сэргэлэн ажилтандаа хулгайлуулснаа хүлээжээ. “The Daily Mail, сонинд бичсэнээр хулгайч нь казиногийн ажилтан байжээ. Тэрээр өмднийхөө халааснаас доошоо унжуулан шууд оймсонд ордог гуурс маягийн зүйл оёж бэлдсэн байсан гэнэ.. Тэгээд хоёр сарын турш ширээнээс хулгайлсан житоноо халаасандаа хийн оймс руугаа унагаад дараа нь жорлонгийн хажууд хүлээж байдаг найз хүүхэндээ өгдөг байжээ. Найз хүүхэн житоныг тэр дор нь мөнгөөр солиулж авдаг байсан аж. Үл мэдэгдэх шалтгаанаар житон алга болоод байгааг дотоод хяналт хамгаалалтынхан илрүүлж чадахгүй нэлээд бантагнасны эцэст арай гэж хулгайчийг тогтоосон гэнэ.
NUUTS.mn
