Энрике Иглесиасын концерт зохион байгуулагчдыг хортой загасны сүүлээр ороолгож шийтгэнэ
Нийтэлсэн: 2016-01-04 03:38:48
Шри-Ланк улсын ерөнхийлөгч Майтрипала Сирисены зааврын дагуу хуулийн байгууллага нь алдарт дуучин Энрике Иглесиасын концерт зохион байгуулагчдад эрүүгийн хэрэг үүсгэжээ. Дэлхийд алдартай дуучин “Секс ба хайр дурлал” гэдэг нэртэй аялан тоглолтоо Азийн орнуудаар эхэлсэн ч энэ улсад эхний концертоо тоглоод л бүрэн хориулжээ. Тоглолт нь нэрнээсээ эхлээд л төрийн тэргүүнд нь таалагдсангүй. Мөн тоглолтын үеэр хагас нүцгэн бүжигчид бүжиглэсэн, түүнийг харсан үзэгчид хүртэл хувцсаа тайлан шидэлж байсныг ерөнхийлөгчид дуулгажээ. Бухимдсан тэрээр энэхүү үйлдэл, гаргаж байгаа зан авир нь манай үндэсний соёл зан заншилд харшилж байна гээд ёс зүйгүй тоглолтыг зохион байгуулсан Шри-Ланкын талын компаний удирдлагуудыг шийтгэхийг үүрэгджээ. Дээр нь тоглолтын тасалбарын үнэ 35-350 доллар хүрсэн нь ерөнхийлөгчийг бүр ч их уурлуулсан аж. Одоогийн байдлаар хуулийн байгууллагийнхан зохион байгуулсан компаний удирдлагад саваадах эсвэл скат хэмээх хортой загасны сүүлээр ороолгох гэсэн хоёр шийтгэлийн аль нэгийг оногдуулах гэнэ.
NUUTS.mn
