Саудын Араб шийтийн 47 шүтлэгтнийг цаазаллаа
Шинэ оны хоёрдахь өдөр Саудын Арабын эрэх баригчид алан хядагчидтай холбогдсон, алан хядлагад турхирсан өдөөн хатгасан гэх үндэслэлээр шийт урсгалыг шүтэгч голдуу 47 хүнийг цаазалснаа албан ёсоор зарласан нь дэлхий дахинаа шуугиан дэгдээгээд байна. Тэдний дунд Саудын хааны гэр бүлийг хатуу шүүмжлэгч, шийтийн шажины томоохон аятолла болох Нимр ан-Нимра байсан нь шийтүүд төдийгүй шийт урсгалыг баримталдаг лалын улсуудын эсэргүүцэл дургүйцлийг улам их төрүүлжээ. Цаазын ялыг энэ сарын 2-ны өдөр тус улсын 12 шоронд зэрэг гүйцэтгэсэн байна. Цаазлуулагчдаас дөрвийг нь толгойг чавчиж гүйцэтгэсэн гэдгийг Дотоод хэргийн яам нь хүлээн зөвшөөрчээ. Шийт урсгал зонхилдог Иран гэх зэрэг улсууд сүннитүүд эрх барьдаг Саудын Арабыг хатуу шүүмжилж эсэргүүцэл илэрхийлжээ. Саудын Арабын зүүн хэсгийн шийтүүд засгийн эрхээс сүннит эмир Эр-Риядын талыг буулгахыг шаардан жагсжээ. Эрх баригчид эсэргүүцлийг дарахаар хуягтаар хүч нэмэгдүүлсэн цэргийн ангийг илгээсэн байна. Ираны Тегеран зэрэг хотод Саудын Арабыг эсэргүүцсэн жагсаал цуглаан болжээ. Европын холбоо сөрөг хүчний удирдагчийг цаазалсныг мөн буруушаасан байна.
NUUTS.mn
