Г.Баасан:Арвин гараад байхад би гарч л таараа…
МЧАХ-ны тэргүүн Г.Баасан ирэх сонгуульд Баянзүрх дүүрэгт бие даан нэр дэвшихээр шийджээ. Тэрээр энэ дүүргээс сонголгдсон АН-ын Д.Арвинтай барьцан энэ зэргийн улстөрч гараад байхад надад ялах магадлал өндөр бий хэмээн тооцоолсон гэнэ. АН засаг барьж байх үеийн МЧАХ нь Ардын нам засаг барьж байх үеийнхээс тэс өөр болж тамир тэнхээ нь нэмэгдсэн. Ч.Улаан Сангийн сайд байхдаа МАХ-нд өгдөг байсан татаасыг Чөлөөт ахмадын холбоонд өгөх тушаал гаргасан. Үүнийг нь МАН-ын гэж муулуулдаг МАХ эсэргүүцээд дийлээгүй. Зарим аймагт бүр өөрийн байшин байраа чөлөөт ахмадуудад булаалгасан. АН-ын дөрвөн жилд Г.Баасангийн холбоо санхүүгийн хувьд ч төдийгүй гишүүд дэмжигчдийн хувьд ч тоо нь олширсон. Түүний Баянзүрх дүүргийг сонгосон нь цаанаа учиртай. Энэ дүүрэгт МАХ-г шахаж гаргах ажиллагаа бусад дүүргүүдтэй харьцуулахад маш амжилттай явагдсан. Хорооны Засаг дарыг нарын туслалцаатайгаар МЧАХ-ныхон Ахмадын зөвлөлийг тэргүүлдэг байсан МАХ-ын ихэнхи дарга нарыг халуулж албан тушаалыг нь авсан. Гэхдээ нэлээд эсэргүүцэлтэй тулсан. Баянзүрх дүүргийн 26-р хороонд л гэхэд Ахмадын зөвлөлийн даргын суудлаас болж бүр зодоон гарсан гэдэг. Өдгөө ихэнхи хорооны Ахмадын зөвлөлийг МЧАХ авсан тул Г.Баасан доороо нэлээд хүчтэй багтай, дэмжигчдийн сүлжээтэй болоод байна.
НУУЦ.мн
