2016 оны сонгуулийн таван бүстэй танилцана уу...
МАНАН Монгол Улсыг Баруун, Зүүн, Төвийн, Хангайн, Улаанбаатарын гэж таван бүс болгон хуваахаар нэгэнт шийджээ. Бүс бүрт ногдох мандатын тооны хувьд Улаанбаатарт найм, бусдад нь тус бүр тав, таван мандат хуваарилахаар ярьжээ. Харин аймгуудыг бүсүүдэд хуваахдаа нэг бүсэд 5-6 аймаг байхаар тооцсон юм байна. Хуулийн төсөлд тусгагдаагүй ч намуудын зөвшилцсөнөөр бол Баруун бүсэд Баян-Өлгий, Говь-Алтай, Завхан, Увс, Ховд аймаг хамаарч байгаа аж. Харин Хангайн бүсэд Архангай, Баянхонгор, Булган, Орхон, Өвөрхангай, Хөвсгөл аймгийг багтаажээ. Зүүн бүсийн хувьд арай өөр аж. Зүүн гурван аймаг болох Дорнод, Хэнтий, Сүхбаатар дээр нэмээд Дорноговь, Говьсүмбэрийг оруулжээ. Үлдэж буй аймгуудын хувьд Төвийн бүсэд хамаарна. Тэнд нь Дархан-Уул, Дундговь, Өмнөговь, Сэлэнгэ, Төв аймаг багтаж байгаа юм.
НУУЦ.мн
