Нууц мэдээллийн уурхай

70 саяын шагналтай 3 саятны чацуутантай холбоотой маргаан тасрахгүй үргэлжилсээр байна. Бүтээн байгуулалт ихтэй Сүхбаатар аймагт Засаг дарга Ж.Батсуурь сэтгэл гаргалгүй  3 саяын чацуутандаа 30 гаруй сая төгрөгийн байр өгснийг нь эцэг эх нь аваагүй яваа. Тэгвэл Хөвсгөл аймгийн 3 саяын чацуутны алдрыг хоёр ээж булаацалдаж байна. Гол маргаан нь хаана төрсөн гэдгээс болжээ. Б.Хишигтогтох гэдэг эмэгтэй 2015 оны 1-р сарын 24-ний өдөр 18 цаг 42 минутад Хөвсгөл аймгийн Мөрөн сумын төвд, аймгийн нэгдсэн эмнэлэгт охин У.Гоомаралыг төрүүлжээ. Монгол Улсын хэмжээнд Хөвсгөл аймгийн харьяат эхээс 4 хүүхэд мэндэлсний 2 нь Хөвсгөл аймагт, 2 нь Улаанбаатар хотод мэндэлсэн  гэнэ.  Гэтэл Үндэсний статистикийн хорооны даргын А/10 дугаар тушаалын 2 дугаар хавсралтад 2015 оны 12-р сарын 24-ний өдөр Улаанбаатар хотод мэндэлсэн Т.Өлзийбилэгтийг Хөвсгөл аймгаас Монгол Улсын 3 сая дахь иргэнтэй хамгийн ойр мэндэлсэн чацуутнаар тодруулсан байжээ. Б.Хишигтогтох нь энэ талаар хөөцөлдөхөд аймгийн Статиистикийн хэлтсийнхэн “Манайх төрөлтийн мэдээгээ тухайн цаг бүрт нь аймгийн статистикийн хэлтэст мэдээг маягтын дагуу хүргүүлсэн. Улаанбаатар хотоос тодруулсан Өлзийбилэгтийн талаар бид огт мэдэхгүй, манайхаас тийм мэдээ өгөөгүй,  уг нь бид танай охин Гоомаралыг Хөвсгөл аймгаас тодорлоо гэж бодож байсан юм. Тэгтэл Үндэсний статистикийн хороо дээрээсээ Т.Өлзийбилэгт гэдэг Улаанбаатарт төрсөн хүүхдийг тодруулсан байна. Манай хэлтэс бол 2015 оны 1-р сарын 24-ний өдөр төрсөн танай хүүхэд, Түнэл суманд төрсөн хүүхэд хоёрын мэдээг явуулсан. Улаанбаатар хотод төрсөн хүүхдийн талаар бид огт мэдээгүй” гэжээ. “Монгол Улсын 3 сая дахь иргэний мэндэлсэн өдрийн цаг хугацаатай хамгийн ойр Хөвсгөл аймагт мэндэлсэн хүүхэд бол миний охин У.Гоомарал юм. Гэтэл өөр хүүхэд тодруулсан талаар Цагдаагийн байгууллагад хандсан боловч энэ асуудлыг шүүхэд хандаж шийдвэрлүүл гэсэн,  Улаанбаатарт төрсөн хүүхдийг 3 сая дахь иргэний чацуутнаар Хөвсгөл аймгаас тодруулсанд маш их гомдолтой байна” хэмээн заргалджээ. Үүнийг Хөвсгөл аймгийн 3 саын чацуутнаар тодорсон хүүхдийн ээж Б.Хажидмаа огт зөвшөөрсөнгүй. Тэрээр хотод хүүхдээ төрүүлсэнч өөрөө Хөвсгөл аймаг, Халх сумын 5-р баг, Галт 4-р хороонд бүртгэлтэй аж. Ийнхүү тэрээр хотод төрсөн ч Хөвсгөлийн уугуул гэдгээрээ хүүхэд аймгийнхаа 3 саяын чацуутан хэвээрээ үлджээ.
 

NUUTS.mn