Ч.Сайханбилэгийн царайгаар “чанга” ЕС-тай болж чадах уу…
ЭМС-ийн сайдгүй 50 гаруй хоног өнгөрлөө. Шийдлийн засгийн газрын танхимын нэг сайд нь даргаа “матлаа”. Нөгөө дарга нь намайг ЕС томилоогүй тул хэн надад хариуцлага хүлээлгэх юм хэмээн томорсон. Энэ бүхэн төрийн өндөрлөгийн түвшинд Ерөнхий сайд Ч.Сайханбилэгийн хэр жинтэй нөлөөтэй чанга чадалтай ЕС болохыг нь харуулж байна. Гэтэл Үндсэн хуульд оруулж байгаа оруулах гэж байгаа өөрчлөлтийн нэг амин судас нь гүйцэтгэх засаглалын тэргүүнд эрх мэдэл өгөх явдал. Танхимаа бүрдүүлэх сайдаа томилох зэрэг бүхий л асуудлыг ЕС өөрөө шийднэ гэж бүгд ярьж байна. Гэтэл одоогийн гүйцэтгэх засаглалын тэргүүний царайгаар ирээдүйд тэгж чадах эсэх нь эргэлзээтэй болжээ. Улс орны нэг чухал салбарын удирдлага нь сайд чүгүй ТНБД ч үгүй хоёр дахь сардаа явж байна. Гэтэл ЕС нь энэ хүнийг томилно гээд шуудхан шийдэж чадахгүй Ерөнхийлөгч УИХ-ын дарга нам гурвынхаа хооронд гүйсээр л… Дээр нь МАХН-тай тохирно гэж том ажил байдаг. Ч.Сайханбилэгийн арчаагүй байдал нь өмнөх ЕС-аас улбаатай байх. Н.Алтанхуягийг нь ардчилсан ерөнхийлөгч нь “асуудлыг гартаа ав” гэж зөндөө л гуйж захидаг байсан. Гэсэн ч Шинэчлэлийн ЕС асуудлыг гартаа авах нь бүү хэл гараасаа алдчихсан. Эцэст нь өөрөө огцорсон. Харин Шийдлийн засгийн газрын ЕС нь огцорчихгүйхэн шиг явсаар сонгууль хүргэчих юмсан, Наадам өнгөрөөчих юмсан, АСЕМ хүртэл тэсчих юмсан гэсээр үгээ ч зоригтой хэлж чадахгүй явна.
НУУЦ.мн
