8%-ийн зээлтэнгүүдийн 30 хувь нь байраа хураалгажээ
Нийтэлсэн: 2015-12-22 01:42:47
Гуравдахь жилдээ үргэлжилж байгаа орон сууцны 8 хувийн зээлтэнгүүдийг азтай хүмүүс гэж болох. Учир нь энэ зээл ингээд дууслаа. Гэсэн ч тэдгээр азтангуудын 30 гаруй хувь зээлээ төлж чадалгүй банкинд байраа хураалгажээ. Эдийн засгийн хүндрэл, ажлын байрны хорогдол цалингийн бууралтаас үүдэн энэ тоо цаашид ч өснө. Өдгөө банкууд 8 хувьтангуудаас хурааж авсан тэр олон байрыг яаж далдруулья даа хэмээн үстэй толгойгоо үгтээж байтал ҮХЦ гэдэг буян нь дэлгэрсэн газар том тус болсон. Цэцийн шийдвэрийг улстөрийн хатгаас гэхээс илүүтэйгээр банкуудын лобби гэж хардвал зохино. Гэтэл энэ бантан дээр БХБ-ын сайд З.Баянсэлэнгийн 100 хоног дээрээ хийсэн гол ажил гээд ипотекийн зээлийн урьдчилгааг 10 хувь болгон бууруулах санамж бичиг нэмэгдлээ. Ахиад бөөн бантан. Гэтэл ердөө наймхан сарын өмнө өмнөх сайд Д.Цогтбаатар зээлийн урьдчилгаа төлбөрийг 30-аас 10 хувь болгон бууруулж, үлдсэн 20 хувьд нь Засгийн газар баталгаа гаргах шийдвэрт хүрснийг зарлаж байсан. Тэгвэл ердөө дөрөвхөн сарын дараа барилгын сезон эхлэх гэж байна. Гэтэл алдарт 8 хувийн зээл нь зогссон, барилгын компаниудын эргэлтийн мөнгө бас таг зогссон, банкууд нь баахан хураагдсан байртай сууж нь тодорхой боллоо.
NUUTS.mn
