Нууц мэдээллийн уурхай

Өнгөрсөн долоо хоногт Кремлийн эзэн нь  АНУ-ын Ерөнхийлөгчийн сунгаанд давхиж байгаа Дональд Трампыг дэмжиж байгаа дахин илэрхийллээ. Твиттер зэрэг олон нийтийн цахим сүлжээнд Москвагийн талынхан тэрбумтныг дэмждэг болоод хэдэн сар болж байна. Тэдний багийн гол жиргээчдийн нэг Думын гишүүн асан Рыков@rykov нь Хиллари Клинтоныг илт дэмждэг, Оросд экс элчин сайд байсан Майкл Макфолд хандан Трампыг дэмжихийг шууд уриалж ятгасан. Тэгвэл 12-р сарын 17-нд Путин тэрбумтныг “бусдаасаа онцгой, маргаангүй авьяаслаг” гэснээс гадна ерөнхийлөгчийн сонгуулийн сунгааг маргаангүй тэргүүлж байгаа лидер гэж магтсан. Хариуд нь Трамп “Fox” сувгийн яриалцлагийн үеэр Оросын төрийн тэргүүнийг дэлхийн том лидер гэж зулгуйдаад Оросд сэтгүүлчид аллагад их өртдөг тухайд “манайд ч гэсэн имй зүйл зөндөө л гардаг шүү дээ” хэмээн саармагжуулсан. Путин Трампыг яагаад дэмжээд байгаад гайхах юм алга. Шулуун зантай шуудхан ярьдаг энэ тэрбумтан Америкийн ерөнхийлөгч болбол хүний эрх, ардчилал гэх мэт асуудлыг хоёрдугаар зэргийнх болгож хувиргаад шуудхан жинхэнэ “ажил хэргээ” ярьж болно гэж тооцоолсон аж. Тэгээд ч хоюулаа дарангуйллыг дотроо дэмждэг тэрнийг хүсдэг гэдгэээрээ тун ижил. Сүүлийн үед Орос нь энэ мэтээр бусад орны дотоод хэрэгт ил далд оролцдог болсон. Францын хэт барууны үзэлт Марин Ле Пэний тэргүүлдэг “Үндэсний фронт” нам гэхэд л өнгөрсөн жил Оросын нэгэн нууцлаг эрхмээс есөн сая еврогийн зээл авсан тухай шуугианд өртөж байсан. Грекийн дээд зиндааныхнаас Путиныг ил цагаан дэмждэг баячууд, улстөрчдийн ихэнх нь бас л хэт барууны гэгдэх СИРИЗ намыг тойрон эргэлддэг. Английн хэт барууны үзэлтэн Найжэл Фарадж л гэхэд Оросын төрийн телевизүүдийн ярилцлагад олонтоо ордог нь анхаарал татдаг.  Путин нь Европийн туйлширсан үзэлтэй нам хөдөлгөөнийг дэмжих замаар Европын холбоог сулруулж Оросын эсрэг тавьсан хоригийг цуцлуулах гэж бүтэл муутай оролдсоор явна. Харин Трампыг дэмжиж байна гэдэг нь энэ аргаа Америкд хэрэглэхийг санаархсаны илрэл юм.

BuzzFeed.com-оос товчилон орчуулав