Гавьяат багш С.Жамьяанхорол нь Д.Оюунхоролын хамаатан гэнэ
"Авьяаслаг Монголчууд" энэ удаагийн шоунд түрүүлсэн "Эгшиглэнт чимээ" хөгжмийн хамтлагийн удирдагч С.Жамьянхорол багш Завхандаа төдийгүй Монгол даяар алдаршсан. Тэрээр 1980 аад оноос Завханы Тосонцэнгэлийн 8, 10 жилийн дунд сургуулиудад дуу хөгжмийн багшаар ажиллаж байхдаа л чулуу, төмөр, шил зэргээр хөг оруулан хөгжим тоглуулдаг багш байсан гэнэ. Саяхан Лу.Гантөмөр сайдын гараас гавьяат багшийн тэмдгээ авсан тэрээр 30 гаруй жилийн турш өөрийн мэргэжилдээ үнэнч, уйгагүй, тууштай хөдөлмөрлөн зүтгэж өнөөдөр ийм амжилтанд хүрчээ. Шинэхэн гавьяат багштай холбоотойгоор Завханы АН-ын гишүүдээс нэгэн мэдээлэл БСШУ-ны сайдад ирсэн гэнэ. Тэрхүү мэдээллээр сайдтаны шагнасан багш нь Завханаас сонгогдсон МАН-ын гишүүн, алдарт Д.Оюунхоролтой садан төрлийн холбоотойг сэмхэн сануулсан байжээ. Гэсэн ч галт тэрэг нэгэнт хөдөлсөн байсан тул сайдтан “би одоо яахав дээ” гээд өнгөрсөн гэнэ.
НУУЦ.мн
