Хутгатай шүтэн бишрэгч нь Сильвестер Сталлоне руу дайрчээ
Нийтэлсэн: 2015-12-10 06:36:31
Швейцарьд болдог ”Art Basel” гэдэг уран зургийн яармагийн үеэр алдарт жүжигчин Сильвестр Сталлоне рүү шүтэн бишрэгч гэсэн эмэгтэй хутга барин халджээ. Хамгаалалтынхан түргэн шуурхай ажиллан халдагчийг барьж номхруулан цагдаад хүлээлгэн өгсөн гэнэ. 69 настай Сильвестер нэг их сандраагүй бол 49 настай эхнэр Жэнифер Флавин нь маш их цочирдож зохион байгуулагч тал руу уураа гаргажээ. Халдлага яармагийн ВИП арга хэмжээний үеэр болсон тул урилгагүй бас хутгатай этгээд яагаад нэвтэрч орсныг тайлбарлахыг шаардсан байна. Сильвестерийн зураачын авьяасын тухайд өгүүлэхэд тэрээр долоон натайгаасаа эхлэн зурж эхэлжээ. Одоогоор 300 гаруй зураг зурсанаас нэг бүтээл нь 120 мянган доллароор зарагдаж байсан. Түүний нэг алдартай фэн нь Арнольд Шварцнеггер агаад гэрийнх нь ханы талыг Сильвестерийн зураг чимэглэдэг гэнэ.
НУУЦ.мн
