Капитрон банк дотоод хулгайд маш үнэтэй ховор зооснуудаа алджээ
Нийтэлсэн: 2015-12-09 03:17:16
Гайхалтай нь энэ ноцтой хулгайн хэргийг тус банкныхан тас нууцалж байгаа гэнэ. Хэрвээ цагдаад мэдэгдвэл банкны нэр хүндэд муу хэмээн тооцсон биз. Хэрэг явдал бараг сарын өмнөхөн болжээ. Агуулах хариуцсан ажилтнууд нь санаандгүй тохиолдлоор шалгахад зоосон мөнгөтэй хайрцаг нь хоосон байжээ. Маш үнэтэй ховор зоосон мөнгө их хэмжээгээр алдагдсаныг мэдсэн даруйдаа хамгаалалтын алба болон агуулахын ажилтнууд нь цагдаад мэдэгдье гэжээ. Дотоод хяналт, тооллого явуулахад үнэт ховор зоосон мөнгө болон 1955 оны цаасан мөнгөн тэмдэгт зэрэг дутжээ. Эдгээр нь зоосон мөнгө цуглуулагчид сонирхогчдын мөрөөдөл болсон зүйл гэдэг нь ойлгомжтой. Аж ахуйнхан нь өмнө нь тооллого хийхэд бүгд бүрэн бүтэн байсан хэмээн баталжээ. Гэхдээ хамгийн ноцтой нь маш ховор зоосон мөнгө алдагдаад байхад цагдаад мэдэгдээгүй нь гайхал төрүүлж байна. Энэхүү дотоод хулгайн хэргээс болж хардлага сэрдлэг дэгдэн банкны дунд шатны удирдлагад халаа сэлгээ хийгдэж магадгүй болжээ.
NUUTS.mn
