Намхан эмэгтэй, өндөр эрэгтэй илүү төлөрхөг байдаг гэнэ
Нийтэлсэн: 2015-12-08 06:56:49
Эхлээд эр хүн яагаад эмэгтэйчүүдээс том биерхэг байдгийг өгүүлье… Эмэгтэй хүний бүхий л дотор эрхтэн эр хүнийхээс бага байдаг. Зүрх л гэхэд 10-15 хувиар жижиг гэнэ. Эр хүн 4.5 л цустай бол эм хүн 3.6 л байдаг. Бодисын солилцоо ч харилцан адилгүй явагдах агаад эр хүн хоногт 700 калори илчлэг илүү хэрэглэдэг. Том биенд их хүчилтөрөгч хэрэгтэй тул эр хүний хамар ч бас том байдаг.
-Идэвхигүй ген
Эрчүүд эмэгтэйчүүдээс 10-15 см өндөр байдаг. Үүнд эмэгтэйчүүдэд байдаг ITM2А гэдэг ген буруутай гэнэ. Өсөлтийн зохицуулалтанд оролцдог энэ ген их байх тусам өндөр болох магадлал багасдаг. 13 нас хүртлээ охид хөвгүүдээс өндөр байдгийн нууц энэ юм. Мөн балар эртний үеэс хоол хүнс олох, хувиарлахад эрчүүд давамгайлж байснаас эмэгтэйчүүд намхан болсон гэдэг онол байдаг. Энэ онолоор эрчүүд олсон агнасан хоолныхоо ихэнхийг өөрсдөө идээд хөөрхий эмэгтэй хүнд бараг юм үлдээдэггүй байжээ. Ингээд л бие махбодь нь олдож байгаа хүнсэндээ таарч өссөн гэнэ. Өдгөө НҮБ-ийн тайланд өлөн зэлмэн явдаг эмэгтэйчүүдийн тоо эрчүүдийнхээс хоёр дахин олон гэсэн байдаг.
-Өндөр эр намхан эмэгтэй
Холландын Хронингений их сургуулийн судлаачдын баталснаар намхан эмэгтэй олон хүүхэд төрүүлдэг, төлөрхөг байдаг бол намхан эрчүүд энэ тал дээрээ муу үзүүлэлт үзүүлдэг. Харин эсрэгээрээ өндөр эрчүүд олон хүүхэд “хийдэг” бол өндөр хүүхнүүд цөөн хүүхэд гаргадаг гэнэ.
