”Мунзуй” Г.Нямдорж, Н.Номтойбаярын талаар УИХ-ын Ёс зүйн дэд хороонд гомдол гаргана
Олон нийтэд “Мунзуй” хэмээх нэрээрээ алдаршсан Г.Нямдорж УИХ-ын гишүүн Н.Номтойбаярын дуусдаггүй тулааны дараагийн үе эхэлжээ. Г.Нямдорж нь Н.Номтойбаярын хувийн амьдрал хийгээд улстөр дэх ажил хэргийнх нь талаар УИХ-ын Ёс зүйн хороо, УИХ-ын гишүүд, УИХ-ын дарга З.Энхболдын нэр дээр хаягласан өргөдлийг хүргүүлэхээр зэхэж байна. Түүний өргөдөлд дурьснаар бол УИХ-ын гишүүн Н.Номтойбаярыг авлига, хүчин, танхайн болон бусад олон төрлийн гэмт хэргийг үйлдсээр байхад хууль хүчний хяналтын байгууллагууд түүний хамгаалалтын албаны ажилтнууд шиг аашилж, түүнтэй сөргөлдсөн хүн бүрийг буруутган яллаж, өөнтөглөдөг боллоо хэмээн дурьджээ. Түүнчлэн төрийн эрх барих дээд байгууллага болсон УИХ нь гэмт хэрэгтэн орогнодог газар биш бөгөөд Н.Номтойбаярын өдүүлсэн гэмт хэргүүдэд ёс зүйн болон хуулийн хариуцлага хүлээлгэж өгөхийг миний бие хүсч байна гэжээ. Мунзуй буюу Г.Нямдорж, УИХ-ын гишүүн Н.Номтойбаяр нар нь 2013 оны есдүгээр сарын 25-ны өдөр Төрийн ордны хойно байрладаг "Le Triskell" бааранд бие, бие рүүгээ хутга барьж дайрсан, мөн бусдын биед гэмтэл учруулсан гэх маргаан үүсч нийгэмд дуулиан тарьж байсан.
НУУЦ.мн
