Алдарт “Ачлалтрейд” компани дансаа хаалгуулаад баларчээ
Нийтэлсэн: 2015-12-08 02:44:08
Гэхдээ МАН-ын том зүтгэлтэн эмэгтэйн энэ компани өр ширэнд ороод дансаа хаалгасангүй. Ердөө л хэлсэн амандаа хүрдэггүйгээс болж шүүхийн шийдвэрийнхэнд дансаа хаалгуулаад баларч арай гэж нээлгэжээ. Тус компани болон ХУД дэх “Оранж” хотхоны 59-р байрны … тоот дөрвөн өрөөг эзэмшигч асан Б.О нарын хооронд шүүхийн маргаан байжээ. Шүүх хэргийг хэлэлцээд байрыг чөлөөлөн “Ачлалтрейд” компанид олгох, мөн уг компаниас 120 сая төгрөг гаргуулан тухайн иргэнд өгөх шийдвэр гаргажээ. Шийдвэрийг хоёр тал хүлээн зөвшөөрч. Ингээд шүүхийн шийдвэрийнхэн ажилдаа оржээ. Компани эхлээд байрыг чөлөөлж өгсөний дараа мөнгийг чинь өгнө гэсэнд иргэн дөрвөн өрөө байраа буцаан өгчээ. Гэтэл дараа нь байр зарагдсаны дараа мөнгийг чинь өгнө хэмээн шалтаг тоочоод эхэлсэнд иргэн нь шүүхэд гомдол гаргасанд албадан биелүүлэх гүйцэтгэх хуудас шүүхийн шийдвэрийхэнд очжээ. Үүний дагуу шийдвэр гүйцэтгэлийнхэн компаний өөр нэгэн үйлчилгээ явуулдаг дөрвөн өрөө байрыг битүүмжлээд дуудлага худалдаагаар зарна гэдгийг сануулж. Мөн арилжааны банкууд дахь компаний данснуудын зарлагын гүйлгээг нь түр хаажээ. Энэ нь том цочрол өгсөн тул захирал М.Билэгт өөрийн биеэр шүүхийн шийдвэрийхэнтэй ирж уулзсан гэнэ. Дансаа хаалгуулаад бөөн “онигоонд” орсон хэмээн менежэрүүд нь толгой сэгсэрч явна.
НУУЦ.мн
