Нөхөрдөө хараал хийлгэдэг бол одоо алах захиалга өгдөг болжээ
Нийтэлсэн: 2015-12-03 02:34:15
Эд хөрөнгөний шунал өшөө хорслын галд баригдаж явдаг монгол хүүхнүүд юу ч хийхэд бэлэн болжээ. Д овогтой Б гэх бүсгүй салсан нөхөртөө өс санаж, эхлээд бөөд хандсан аж. Улмаар хараал хийлгэх гэхэд нь цаад бөө нь хараал хийхээс татгалзсан учир Б гэх бүсгүй нөхрийг маань алаад өгөх хүн байна уу гэж хэлэхэд бөө уурлаж, гэрээсээ хөөж гаргасан байна. Харин бөөгийн нөхөр гэх, шорон оронгоор орж явсан залуу энэ байдлыг эхнэрээсээ сонсуутаа нөхрөө алуулахыг хүссэн бүсгүйтэй уулзаад “Ах нь нөхрийг чинь алаад өгье” гээд Дорнодод байдаг, шоронгийн найздаа энэ ажлыг хамт хийе гэж хэлсэн байна. Ингээд Б бүсгүйгээс 4.5 сая төгрөг авахаар тохиролцоод урьдчилгаа 2,5 саяыг нь аваад алга болжээ. Захиалгаар хүн алуулах гээд 2.5 сая төгрөгөө өгчихсөн эмэгтэй мөнгийг нь аваад алга болсон хоёр хүнийг хайж явсныг нөхөр болон ар гэрийхэн нь олж мэдсэн аж. Мөнгийг авсан залуус Д.Б нь эргээд ил цагаан нэхэж чадахгүй гэж тооцоод мөнгийг нь аваад алга болжээ.
НУУЦ.мн
