Абдул Каримын газар дээр Зүүн хойд Ази дахь хамгийн том лалын сүм баригдана
Хэвлэх үйлдвэрийн барилгыг газрын хамт худалдан авсан ирак гаралт Абдул Карим хотын төвийн энэ газартаа чухам юу сүндэрлүүлэх нь хамгийн сонин байна. Эхэндээ “Монгол Товэр” гэдэг 68 давхар цамхаг барина гэж байсан ч тэр нь худлаа болсон. Сүүлдээ цамхагийн давхар намсаж 30 болсон ч одоогийн байдлаар ийм өндөр барилгыг ч дулаан усаар хангаж чадахгүй аж. Абдул Каримын цаана Кувейтын баячуудын тодорхой бүлэглэл, тэдний ашиг сонирхол явдаг гэнэ. Зарим эх сурвалжийн мэдээгээр тэрээр газар дээрээ Кувейт улсын ЭСЯ-ны барилга бариулах бололтой. Энэ тохиолдолд газрыг нь Кувейтын Засгийн газар худалдан авах тул 24 тэрбумээр зогсохгүй өндөр үнэ хаяж мэднэ. Нөгөө талын мэдээллээр энэ газарт зүүн хойд Азид төдийгүй төв Азид нэрд гарахаар том үзэсгэлэнт лалын сум буюу мечет барих гэнэ. Лалын сүмүүд нь уран барилгын хувьд гайхалтай бүтээл болдог. Магадгүй энэ сүм нь буддын шажинт орнууд дахь лалын хамгийн том бас сайхан нь болж болох юм. Сүмийн хувьд уран барилга архитектурын гайхамшигтай бүтээл гэдэг талаас нь маш их мөнгө хөрөнгө хаях бололтой. Ингэж байж лалын сүи барихыг эсэргүүцэгчдийн эсэргүүцлийг сулруулах бодолтой байж болох юм. Хэрвээ өдөр ирэх тусам өргөжин томорч байгаа мусульман ертөнцийн хүрээгээ тэлэх бодлогийг харгалзан үзвэл лалын сүм баригдах нь илүү магадлалтай байна.
NUUTS.mn
