Абдул Карим 68 давхар “Mongol Tower” цамхагийг барина
Нийтэлсэн: 2015-11-30 06:14:29
Өнөөдрийн онцлох хүн нь Монгол улсын иргэн Абдул Карим байлаа. Монголд ирээд ирээд хорь гаруй жил болсон тэрээр 2008 онд манай иргэншилыг авчээ. Гэхдээ шажин шүтлэгээ солиогүй гэдэг нь мэдээж. 60 настай энэ эрхэм өнөөдөр хэвлэх үйлдвэрийн газрыг 24 тэрбумаар үнэ цохин худалдан авлаа. Тэрээр энэ газартаа Монголын хамгийн өндөр цамхагийг барихаар төлөвлөжээ. Эхний зургаар цамхаг нь 68 давхар байх агаад “Mongol Tower” гэж нэрлэх гэнэ. Хямралын энэ энэ үед 24 тэрбумыг торохгүй гаргаж байгаа тэрээр асар их хөрөнгийн эзэн гэдэг нь тодорхой болсон. Турк гаралтай ч кувейт талдаа гэнэ. Монголд анхлан Кувейтын ханхүү зэрэг дээд язгууртнууд нь зочилоход арын албанд нь зүтгэж явжээ. Кувейтэд голдуу гардаг идлэг шонхорын хэл аманд ч нэр холбогдож явсан бололтой. Өдгөө Монголын иргэн болсон түүнийг олон талаас нь огцом сонирхож байгаа гэнэ. Улстөрийхний хэт анхааралд өртсөн бизнесмэн үл харагдах өчнөөн саадад тулж баригдаад балардаг гэдгийг “Гачуурт”-ын Л.Чинбат баталсан. Гэхдээ хэдий манай иргэн ч ардаа гадаадын асар том сонирхолоор хамгуулдаг Абдулад манай төрийнхөн саад болж юу базаах билээ. Одоогоор шажин шүтлэг нэгтэй гэдгээрээ Баян-Өлгийнхөн ойр дотно байгаа гэнэ. Улстөрчдөөс “Мон-Уран”-ы Б.Наранхүү бараг л найз гэсэн.
NUUTS.mn
