Цагдаа хөнөөсөн этгээдийг Хан-Уул дүүргээс баривчилжээ
Нийтэлсэн: 2015-11-29 06:17:58
Хоёр хүний амийг хөнгөөгөөд оргон зугтсан этгээдийг цагдаагийн албан хаагчид шуурхай ажилласны дүнд өнөөдөр саатууллаа. Тодруулбал, энэ сарын 26-27-нд шилжих шөнө Пүрэв овогтой Батбаяр нь Баянзүрх дүүргийн 1-р хорооны нутагт оршин суух иргэн С, Ц нарыг санаатайгаар хөнөөсөн гэмт хэрэг үйлдсэн юм. Талийгаач эмэгтэй цагдаагийн хошууч эмэгтэй байсан бөгөөд түүнийг аавтай нь хөнөөж, харин ээжийг нь ахтай нь хутгалсны улмаас тэд ГССҮТ-д эмчлүүлж байгаа гэнэ. Гэмт хэрэг үйлдсэн П.Батбаярыг цагдаагийн байгууллагаас улс орон даяар шуурхай эрэн сурвалжилсаны эцэст дөнгөж сая Хан-Уул дүүргийн нутаг дэвсгэрээс саатуулсан байна. Түүнийг цагдан хорьж, мөрдөн байцаалтын ажиллагааг эхлүүлжээ. Урьдчилсан таамгаар дүүтэй нь суулгахгүй гэсний улмаас хоёр хүнийг хөнөөсөн гэнэ.
НУУЦ.мн
