Бэлхүүсний тойргоо 36 см болгох гэж дөрвөн хавиргаа хадуулжээ
Нийтэлсэн: 2015-11-27 10:24:06
“Хэрвээ дэлхийн зургаан тэрбум бүгдээрээ нэг хэвийнх бол уйтгартай биз дээ” хэмээн швед бүсгүй Пикси Фокс өөрийн үйлдлээ тайлбарладаг гэнэ. Төрөлх Стокгольм хотноо эмэгтэй хүн тэр бүрийд хийгээд байдаггүй трамбайн жолоочоор ажилладаг байсан тэрээр өөрийн биеийн галбирдаа сэтгэл дундуур явдаг байж. Найз залуу нь ч тэр талаар өөлдөг болсон тул хөхнөөсөө эхлээд өөрчлөхөөр шийджээ. Тэрээр алдарт Барби хүүхэлдэйтэй төстэй болохоор шийдэн хөхөө хамгийн дээд хэмжээ хүртэл томруулжээ. Энэ мэтээр нийтдээ 16 удаагийн гоо сайхны хагалгаанд орж Барбитай төстэй болж бас алдаршсан гэнэ. Нарийн тоочвол хөх томруулах хагалгаанд дөрөв, хамраа засуулах хагалгаанд хоёр, нүдний давхраа хийх гэх мэт нүдний хагалгаанд гурван удаа орж хоёр ч удаа өөхөө шулуулжээ. Эцэст нь саяхан 36 см бэлхүүстэй болохын тулд хоёр талынхаа 10-12 дугаар хавиргыг хадуулсан гэнэ. Энэ бүх хагалгаанд нийтдээ 120 мянган доллар зарцуулжээ. Гоо сайхын төлөөх түүний цуцалтгүй зүтгэлийг дэмжигчид хандивлагч эрчүүд дэлхий даянаас хангалттай олон олддог аж. “Зарим надад 50-ийг өгдөг бол зарим нь бүр 10 мянган доллар ч явуулдаг” хэмээн 26 настай хөгшин Барби мэдэгджээ.
NUUTS.mn
