Үүл дарга “хашгирч гүтгээд шивнэж уучлал гуйлаа” гэжээ
НИТХ-ын төлөөлөгч Г.Ганбаяр “Нийслэлийн Засаг дарга нууц өрөөтэй юм байна. “Сонор плаза”-гийн барилга Э.Бат-Үүл даргынх гэнэ” гэх мэдээллийг олон нийтэд цацаж байсан. Харин хотын дарга энэ мэдээллийг үгүйсгэж, гүжир гүтгэлэг хэмээн, нэр төрөө сэргээлэхээр шүүхэд хандсан. Захиргааны хэргийн шүүхээс дээрх мэдээлэл гүтгэлэг учраас Г.Ганбаярыг хотын даргаас уучлалт гуйх ёстой гэсэн шийдвэрийг гаргасан юм. Хотын дарга Э.Бат-Үүл ч Г.Ганбаяраар НИТХ-ын хуралдааны танхимд уучлал гуйлгана гэдгээ мэдэгдээд байсан. Тэгвэл НИТХ-ын төлөөлөгч Г.Ганбаяр НИТХ-ын хуралдаан дээр хотын дарга Э.Бат-Үүлээс албан ёсоор уучилт гуйжээ. Ардын намын залуу уучлал гуйхдаа сулхан яриад харин шүүх цагдаагаар далайлгалаа, ингэлээ гээд намдаа үнэнч миний итгэл үнэмшил өөрчлөгдөхгүй хэмээн дуугаа өндөрсгөсөн. Үүнд нь Үүл дарга бухимдаж гүтгэхдээ хашгарчихаад уучлал гуйхдаа шивнэлээ гэсэн гэнэ.
NUUTS.mn
