Богдхан уулыг улсын тусгай хамгаалалтаас гаргах тогтоолыг санаачилсан гишүүд хэн бэ ?
Богдхан уулыг ЮНЕСКО-гоос хүн ба шим мандлын нөөц хэмээн 1997 онд батламжилсан байдаг. Дэлхийн хамгийн анхны Дархан цаазтай энэ уул орчим бол дэлхийн хүн ба байгаль орчны нөөц бүс нутаг гэж ЮНЕСКО давхар дархалсан гэсэн үг. Хэрэв үнэхээр л хуулиа барьсан бол Байгаль орчин ногоон хөгжлийн яам ингэж хөл гишгэх зайгүй болтол аялал жуулчлалын зориулалтаар ч гэсэн газар олгохгүй байсан. Бараг 20 орчим жил улстөри бизнесийн бүлэглэлийн аминчлан бодож байсан атгаг санаа нь ажил хэрэг болоход тун дөхжээ. УИХ-ын даргад дархан цаазат Богдхан уулыг улсын тусгай хамгаалалтаас гаргах тогтоолын төслийг нууцхан байдалд өргөн барьсан гэх яриа гарчээ. Нэр бүхий хоёр гишүүн байгаа сурагтай. Олигархи баячуудаас дархан цаазат уулыг хамгаалж тогтоож байсан хууль ийнхүү цуцлагдах нь. Хуулиар энэ уулаа хамгаалж ирсэн. Гэхдээ өнөөдөр хуулиас давсан эрх мэдэлтэй хүмүүс хуулийг өөрчлөх шийдлээ гаргажээ. Өдгөө дархан цаазат уулын тал бүрээс трактороор дайран орж тойрч хүрээлсэн хашаа хатгаад Монголын зөвхөн элит баячууд амьдардаг улс доторхи улс, хот доторхи хот бий болгох гэнэ
NUUTS.mn
