Исламын улсын тэргүүн алуурчин Жихад Жоныг устгажээ
Нийтэлсэн: 2015-11-17 07:57:53
Исламын улсын цаазын ялыг гүйцэтгэдэг Мухамед Эмбазиг устгасан гэдгийг Пентагон зарлалаа. Баруунд тэрээр Жихад Жон хэмээн алдаршаад байсан. Түүний байрлалыг маш нарийвчлалтай тогтоосны дараа нисгэгчгүй онгоц хөөргөн пуужингаар харвасан гэнэ. “Алуурчины байсан байшинг юу ч үгүй болтол дэлбэлсэн. Жихад Жон үхсэн гэдгийг 99 хувийн баталгаатай хэлж чадна” хэмээн Пентагоны төлөөлөгч мэдэгджээ. Харгис алуурчин голдуу англи, америк барьцааны иргэдийг хоолойг нь хэрчин цаазалдаг байсан. Тэрээр Америкийн сэтгүүлч Жеймс Фулли, Стивен Сотлофф болон Питер Кассмнг, Английн хүмүүнлэгийн ажилтан Алан Хеннинг, Дэвид Хэйнс нарын цаазын ялыг гүйцэтгэсэн аж.Гайхалтай нь Жихад Жон нь Англид төрж лалын хэт үзэлт автагдах магадлал багатай орчинд өссөн ч Исламын улсынхантай нийлж алуурчин болжээ.
NUUTS.mn
