Л.Эрдэнэчимэг “сонгуулийн” ажлаар явж байгаад хөлөө гэмтээжээ
АН-ын олон арга хэмжээ болон чуулганы танхимыг урт сайхан хөлөөрөө чимдэг Чимгээ гишүүн хөлөө гэмтээжээ. Тэрээр энэ тухайд ямар нэгэн тайлбар хийгээгүй ч сонгуулийн ажлаар явж байгаад гэмтсэн гэнэ. Гэхдээ нэгж тарааж байгаад бус харин сонгогчидтойгоо бүжиг эргэж байгаад гэмтээсэн бололтой. Саяхан Сонгинохайрхан дүүргийн Эрүүл мэндийн нэгдлийн түүхт 60 жилийн ой Ш.Сайхансамбуугийн “СС” бааранд нижгэр болсон. Энэ арга хэмжээнд дүүргээс сонгогдсон гишүүн хатагтай ирж шагнал гардуулж хамт баярлажээ. Тэнд байсан хүмүүсийн баталж байгаагаар баярын ажиллагаатай хамтруулан “сонгуулийн” пиараа хийгээд авчээ. Баяраа хийж байгаа бараг бүх эмэгтэй эмч сувилагч нарыг тэвэрч үнсэн баяр хүргэсэн л гэнэ. Бараг бүх эрэгтэй эмч нартай вальс эргэсэн л гэнэ. Үүнээсээ өмнө ширээ бүрд очиж баярын хундага өргөсөн гэхээр нэлээд халсан нь мэдээж. Ийм үедээ л өндөр өсгийт дээрээсээ унаж хөлөө гэмтээсэн гэнэ.
НУУЦ.мн
