Нууц мэдээллийн уурхай

Манай сайт өнгөрсөн зун “Нарантуул” захыг эзэмшигч Монголын элит гэр бүлийн дотоод хагаралыг анх дэлгэсэн. Ш.Сайхансамбуу захирлын дүү Ш.Батсамбуу нь төрсөн ахаасаа “Нарантуул трейд” компаний 16.1 хувь болон МАН-ын  Тусгаар тогтнолын ордонд хандивласан гэх 680 мянган доллароо нэхэн бүр шүүхэд өгсөн. Ах нь хариуд нь авч өгсөн баахан машинаа нэхсэн. Дэнжийн мянгын барааны захыг анх 48 сая төгрөгөөр худалдан авсан агаад дүү нь 7.6 сая төгрөг буюу 16.1 хувийг нь гаргасан гэж баталдаг. Ах нь мөнгөнд нь таарсан хувь эзэмшүүлнэ хэмээн олон жил хуурсаар сүүлд нь намын байранд хандив өгөх хэрэгтэй байна, энэ удаад тусалбал хувийг чинь өгнө гэсэнд дүү нь 680 долларыг ахынхаа нэрээр МАН-ынханд өгчээ. Гэсэн ч ахиад 16.1 хувийг нь нэр дээр нь шилжүүлсэнгүй. Тэгвэл ах дүүсийн энэ маргаан шийдвэрлэгдсэн гэнэ.  Ш.Сайхансамбуу МАН-ын удирдлагатай ярьж тохироод дүүгээ өөрийнөө оронд төрсөн нутаг Завхандаа нэр дэвшүүлэхээр шийдүүлж чаджээ. Үүнд нь Нарантуулын босс биш бол хэн ч яахав гэдэг Д.Оюунхорол зөвшөөрч. Ш.Батсамбуу нь аймгийн уяачдын холбооны тэргүүнээс өөр гуншингүй агаад нэр хүндийн хувьд ахдаа хүрэхгүй тул гишүүн хатагтай миний саналаас нэг их хумслахгүй гэж тооцоолсон гэнэ. Гэсэн ч ахаасаа дутахгүй хөрөнгө чинээтэй тул басаж болохгүй бололтой. Саяхан л гэхэд тус бүр 100 мянган төгрөгний үнэтэй дулаан баригчийг аймгийнхаа 150 өрхөд тараасан. Харин ах нь бодож бодож Баянзүрхэд нэр дэвшихээр хөдөлж эхэлсэн. Нарантуул захыг торйрсон 13-р хороолол, Жуков, Офицер, Чулаан-Овоод голдуу захын наймаачид амьдардаг тул энэ нь тун зөв сонголт болжээ. Ийнхүү ах дүү нарын маргаан нэг тийшээ болжээ. Харин хамаатнууд нь үнэндээ манай хоёр муудалцаагүй, авгай нар нь л хатгаад байдаг юм гэж цайруулдаг гэнэ.

NUUTS.mn