Аймшигт халдлага үйлдэгсэдийн дунд Францын иргэн байсан нь тогтоогджээ
Нийтэлсэн: 2015-11-15 00:58:17
Дэлхийг цочроосон Парисийн халдлагын тухай анхны мэдээлэл тархаж эхэллээ. Нийтдээ есөн алан хядагч байсан агаад тэднийг Исламын улсынхан “ахан дүүс” гэж зарласан. Үүнээс үзэхэд ах дүү хамаатан садны холбоотой хүмүүс оролцсон байх магадлалтай гэнэ. Дээрхи зоригт есөн залуу нь удахгүй Европыг нөмрөх аугаа их өшөө авалтын хуй салхины ердөө эхлэл нь хэмээн лалын тулгуур үзэлтнүүд алдаршуулж байна.. Парис хотын прокурор Франкойс Молинсын мэдэгдсэнээр тэрхүү ёсөөс долоо нь бөмбөг дэлбэлж амиа золиослосон бол нэг нь баригдаж үлдсэн нь хүчнийхэнд алагджээ. Алан хядагчид гурван баг болон хуваагдаж аллага үйлдсэн байна. Францын цагдаа нар алагдсан этгээдийн хувцаснаас Сирийн паспорт олжээ. Харин Батаклан театрын дэргэдээс баригдсан алан хядагч нь Францад төрсөн тус улсын иргэн байсан гэнэ. Үүнтэй холбоотойгоор шуурхай мөрдлөг явуулж Бельгийн хил давах гэж байсан аллагатай холбоотой гэх лалын шажинт гурван этгээдийг баривчилжээ. Тэд цөм Францын иргэд гэнэ. Биенээс нь Сирийн паспорт олдсон алан хядагч нь энэ оны 10-р сарын эхээр Грекийн Лерос арлаар дамжин Европд нэвтэрснийг тус улсын цагдаагийнхан мэдээлжээ. Батаклан театраас баригдсан алан хядагч нь зааврын дагуу амиа хорлож чадаагүй гэнэ. Францад төрсөн тэрээр Сирээс ирсэн алан хядагч нар шигээ хэт туйлширсан үзэлтэй, итгэл үнэмшилтэй болж чадаагүйтэй холбоотой хэмээн цагдаагийнхан тайлбарлажээ.
НУУЦ.мн
