Парисын халдлага нь 2004 оноос хойшхи аймшигт аллага гэнэ
Дэлхийн хамгийн алан хядагч байгууллага Исламын улс Сирийн байлдааны ажиллагаанд оролцсон барууны улсуудаас өшөөгөө авч эхэлжээ. Эхний бай нь Франц улс боллоо. Урьд шөнө цуврал хэд хэдэн дэлбэрэлт болж амиа золиологчид үйлджээ. Америкийн рок хамтлагийн тоглолт болж байсан “Батаклан” театрд дайрагчид халдахад мянга гаруй хүн цугласан байжээ. Гурван алан хядагч 120 гаруй хүнийг барьцаалж барьцаалагчдыг шууд л автоматоор шүршжээ. Тэндээс амьд гарсан гэрч нарын мэдэгдсэнээр нүүрэндээ баггүй 20-25 насны гурван залуу байсан гэнэ. Шархдагсадыг ч хүртэл өршөөлгүй тулган буудаж гүйцээжээ. Тусгай хүчнийхэн дайралт хийж хоёр алан хядагч алагдаж нэг баригдсан байна. Мөн Франц Германы хөлбөмөгийн шигшээ багийн тоглолт болж байсан цэнгэлдэхэд хоёр ч дэлбэрэлт болсон. Үүнээс гадна гурван дэлбэрэлт болж нийтдээ 40 гаруй хүн алагдсан байна. Эмнэлэгд ирсэн хүмүүсээс 60 гаруй сэхээнд оржээ. Халдлагийн дараа 1500 хүнтэй тусгай хүчин Парисд орж хотод хөл хорио тогтоолоо. Исламын улс байгууллага энэ яргалалын хариуцлагийг өөртөө тэр дор нь авчээ. “Бид Сирид халдсан орнуудаас өшөөгөө авч байна. ажиллагаа амжилттай болж Францад 9-р сарын 11-нийг хийж чадлаа. Дараагий бай Орос” гэж мэдэгджээ. Одоогоор амиа алдагсадын тоо 127 гараад байна. Энэ удаагийн хадлага нь 2004 оноос хойш Европод гарсан хамгийн аймшигт бас цус асгаруулсан аллага болжээ.
NUUTS.mn
